Архив новостей
Марий Элыште пырчан да отызан кушкылым 146 тӱжем гектарыште, але пӱтынь кумдыкышто, поген налме. Тидын нерген Марий Элым вуйлатыше Юрий Зайцевлан ялозанлык да кочкыш сату министр Андрей Кондратенко каласкален.
Марий Эл правительстве председательын икымше алмаштышыже Михаил Васютин «Управленческая мастерская» семинарын пашашкыже ушнен. Тудо Санкт-Петербургышто эртен.
Марий Эл вуйлатыше Юрий Зайцев 26 сентябрьыште Нижний Новгородыш миен да Глеб Никитиным Нижегородский областьын губернаторжылан шогалтыме дене саламлен.
2024 ий шыжым Йошкар-Олаште Марий калыкын XII погынжо эрташ тӱҥалеш. Марий Эл Правительстве кӱкшытыштӧ чумырымо оргкомитетын икымше заседанийже 27 сентябрьыште лийын. Тудым Марий Эл Правительстве вуйлатыше, оргкомитет вуйлатыше Юрий Зайцев вӱден. Зеданийыште оргкомитетын еҥже-влак – икмыняр министерстве ден ведомство, район ден ола администраций вуйлатыше, СМИ ден мер ушем вуйлатыше да ӱжмӧ еҥ-шамыч – лийыныт.
«Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель-влакым сайлыме радам нерген» Марий Эл Республикын 2003 ий 6 мартысе 8-З №-ан Законжо дене келшышын, Марий Эл Республикын Кугыжаныш Погынжо Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель-влакын кок вакансийышт почылтмо нерген увертара.
Марий Эл вуйлатыше Юрий Зайцев Параньга районышто лийын. Тудо нацпроект-влак дене келшышын объектлаште паша кузе шукталтмым ончен лектын.
Марий Эл вуйлатыше Юрий Зайцев олмыктымо деч вара Параньга районысо социальный объект-влакым ончен савырнен.
