Марий Эл вуйлатыше Юрий Зайцевын темлыме «Марий теле» фестиваль 25 февральыште мучашлалтын.
Фестиваль программе почеш Йошкар-Оласе 60 площадкыште 368 мероприятий эртен. Чылаже 108 тӱжем еҥ ушнен. Турист-шамыч моткоч шукын лийыныт: Карелий, Дагестан, Удмуртий, Мордовий республикла, Ленинград, Моско, Самара, Саратов областьла, Краснодарский край, тыгак Канаде да Чили гыч. Пошкудо Чуваший, Татарстан, Угарман кундемлажым ойлыманат огыл! Республикысе тӱвыра учреждений ден организацийлаште тыршыше-влак кажне каныш кечылаште тӱрлӧ выступленийым, мастер-классым, ончерлам темленыт. Чатлама йӱштӧ гына нуным ик-кок гана чактарен кертын.
«Марий теле» фестиваль кодшо рушарнян Э.Сапаев лӱмеш опере да балет Марий кугыжаныш академический театрыште «Летучий корабль» спектакль деч ончыч петырналтын, воза Йошкар-Олан сайтше.
Л.СЕМЕНОВА