Марий Элым вуйлатыше Россий Федераций правительстве председательын вуйлатымыж почеш эртыше стратегический сессийыште лийын. Тушто вице-премьер-влакын федеральный округлаште куратор семын пашам ыштымыштым иктешлыме.
Премьер-министрын увертарымыж почеш, 2023 ий мучашлан бюджет деч ӧрдыжсӧ инвестицийым чумыр налмаште 9 триллион теҥге наре ушен кертме. Пытартыш кок ият пеле жапыште 230 тӱжем пашазе верым ыштыме, чылаже 6,5 миллиард теҥгелан сатум да услугым темлыме.
«Тыгай показатель-шамыч пеҥгыдемдат: правительстве ден субъект-влак, федеральный округлаште пошкудо регионла коклаште пайдале вашкылым ыштен кертме», – палемден Михаил Мишустин.
Тудо ешарен: таче Россий мучко куратор-влакын полшымышт дене 357 сай тӱҥалтыш илышыш пурталтеш.
Марий Элыште кураторство институт кышкарыште республикым вияҥдыште вич проект илышыш шыҥдаралтеш.
Тыге проект-влак кышкарыште 77 инвестиций проект почеш пашам ышташ палемдыме, 45-шым илышыш пуртымо, 32-шо кызыт пурталтеш. Инженер инфраструктур, тӱвыра, здравоохранений, туризм да республикысе кок муниципальный районыш газым пуртымо дене кылдалтше 32 кӱлешан объектым ышташ палемдыме.
Проект-влак кышкарыште 2022-2023 ийлаште 1,4 тӱжем пашазе верым ыштыме. Бюджет деч ӧрдыж гыч 18,4 миллиард теҥге инвестицийым ушымо, чумыр налмаште 45,6 миллиард теҥгелан ешартыш сатум ыштен лукмо.
Марий Элым вуйлатышын пресс-службыжын уверже негызеш Г.Кожевникова ямдылен