Новости

Федеральный проект дене келшышын, Йошкар-Оласе кум объектыште пашам тӱҥалмек, подрядчикын айда-йӧра ыштымыжлан кӧра, жаплан кӱрылтыш лие. Кызыт чаракым кораҥдыме. Марий паркым ыштыме, Яналов уремысе кӱртньыгорно пашаеҥ-влакын скверыштым олмыктымо да Дружба уремысе 77-ше №-ан пӧрт кумдыкым тӱзатыме паша умбакыже шуйна.

СВО-што участвоватлыше сарзе-влакын ватышт ден авашт Марий Элым вуйлатышылан «Кичиер» санаторийыште канымышт нерген каласкаленыт.

Йошкар-Олаште, Э.Сапаев лӱмеш опер да балет академический театрыште, Никита Михалковын да иза-шольо Пресняковмытын «12» спектакльышт эртен.

Марий Эл Республик вуйлатыше Юрий Зайцев промышленный сатум оборотыш закондымын пуртымо ваштареш кучедалше кугыжаныш комиссийын заседанийыштыже участвоватлен.

Марий Элыште вес ийын эртышашлык Федерал Сабантуйлан ямдылалташ тӱҥалыныт. А тудыжо 6 июльлан палемдалтын.

Марий Эл Республик Кугыжаныш Погынын депутатше-влак регионын 2023 ийысе бюджетышкыже вашталтышым пуртеныт.

Советский районысо Ушнур кыдалаш общеобразовательный (национальный) школыш коштшо-влакын у тунемме идалыкышт тений уэмдыме да мотор класслаште тӱҥалын.

Шинчымаш кечын Марий Элым вуйлатыше Юрий Зайцев Юл кундем кугыжаныш технологий университетыште эртыше торжественный линейке годым студент-влакым у тунемме ий тӱҥалме дене саламлен.

Эртыше кечылаште Республик вуйлатыше Юрий Зайцев, «Победная почта» проект дене келшышын, Йошкар-Оласе каныме рӱдереш вераҥдыме интерактивный площадкылаште лийын.

«Лидеры России» конкурсын регионысо этапшын участникше-влаклан Марий Эл вуйлатыше Юрий Зайцев тауштымашан серышым кучыктен.

Марий Эл правительстве пӧртыштӧ Йошкар-Оласе «Юбилейный» спорткомплексым уэш чоҥымо шотышто инвестиций проектым каҥашеныт.

Марий Эл вуйлатышын кӱштымыж почеш, СВО-н участникше-шамычын пелашышт ден аваштлан «Кичиер» санаторийыште канаш сменым ыштат. Тудо 12 гыч 25 сентябрь марте шуйна.

Козьмодемьянскысе «Паллада» парус клубышто 8 гыч 16 ияш марте шӱдӧ утла ӱдыр-рвезе шотлалтеш. Йоча-шамыч шкеак судным олмыктат, мӱндыр вӱд корныш лектыт. Тиде парус клубын еҥже-влак «Паллада» тунемме судно дене чара путешествийышкат лектыт.

26 августышто Марий Эл вуйлатыше Юрий Зайцев Козьмодемьянск олалан 440 ий теммылан пӧлеклалтше пайремыште лийын.

Марий Эл вуйлатыше Юрино районышто сӧсна африкан чума карантин шотышто указым подписатлен.

Звенигово, Морко, У Торъял, Юрино да Килемар районлаште вӱдым ситарыме 11 объектым чоҥат да уэмден ачалат.

Тиде лӱмгече дене тушто илыше ден уна-влакым Марий Эл вуйлатыше Юрий Зайцев саламлен.

Марий Эл вуйлатыше Юрий Зайцев республикыште правопорядкым эскерыме шотышто координационный совещанийым эртарен.

Марий Элым вуйлатыше Запорожье область гыч йоча-влак дене вашлийын.

21-23 августышто Марий Элыште, «Лесная сказка» каныме верыште, йоча ден самырык-влаклан калык кокласе патриотизм шӱлышан слёт эртен. Тудын организаторжо – Российысе марий-влакын калыкле тӱвыра федерал автономийышт. ФАДН-ын увертарыме конкурсышто сеҥышыш лектын. Ты проект дене келшышын ныл ий почела самырык тукымлан тӱрлӧ сынан мероприятийым эртара.