Новости

Марий Элым вуйлатыше Юрий Зайцев тиде кечынак ФС-ын Экономический политике шотышто комитетшын председательже Андрей Кутепов дене вашлийын.

25 октябрьыште регионым вуйлатыше Юрий Зайцев Россий парламентын кӱшыл палатыжын председательже Валентина Матвиенком Марий Элын выставкыж дене палдарен, туштыжо Марий кундемын шумо сеҥымашыжым кумдан ончыктымо.

20 октябрьыште Марий кугыжаныш университетын Калыкле тӱвыра да тӱвыра кокласе кыл институтшылан 10 ий темын. Ты кечын тудын тунемме да лабораторий у корпусшо ончылно марий алфавитлан пӧлеклалтше «Марий тиште» арт-объектым, тыгак тидын деч вара вигак Урал йылме-влакым тунемме научнын шымлыме рӱдерым да диссертаций советын залжым торжественно почыныт.

Россий Федераций Просвещений министр Марий Эл правительствынан «Образований» национальный проектым илышыш пуртымо пашажлан кӱкшӧ акым пуэн.

Специальный военный операцийыште участвоватлыше землякна-влаклан черетан гуманитар полышым колтеныт.

Федераций Советыште 23 гыч 25 октярь йотке республикын кечыже-влак эртат. Кугу делегацийым Марий Элым вуйлатыше Юрий Зайцев вуйлата.

Марий Эл вуйлатыше Юрий Зайцевлан суд системым вияҥдымашке кугу надырым пыштымыжлан, Россий Федерацийыште правосудийым пеҥгыдемдаш да саемдаш полшымыжлан Россий Федерацийын Верховный Судшо пеленысе Судебный департаментын «За взаимодействие» I степенян медальже дене палемденыт. Тудым департаментын генеральный директоржын алмаштышыже Алексей Слотюк кучыктен.

Юл кундем кугыжаныш технологический университетыште Военный тунемме рӱдерым почыныт.

16 октябрьыште Йошкар-Оласе Воин чап монумент воктеч икымше тӱшка призывник-влкым службо эртыме верыш торжественно ужатеныт.

Полшаш да туныкташ

Россий парламентын кӱшыл палатыжын председательже Валентина Матвиенко Китай Коммунистический партийын Ляонин провинцийысе комитетшын секретарьже, Ляонин провинцийысе калык представитель-влакын погынымашыштын Постоянный комитетшын председательже Хао Пэн дене вашлиймашым эртарен.

4 ноябрьыште Москосо ВДНХ-аште «Россий» лӱман тӱнямбал кугу ончер-форум почылтеш. Ты кечынак Марий кундемна шкенжын 103 ияш лӱмгечыжым палемдаш тӱҥалеш. Тудын лӱмеш регионышто шуко пайрем мероприятий лиеш. «Россий» ончерыштат республикына шкенжын куатшым ончыктышаш. Кодшо кечылаште регион вуйлатыше Юрий Зайцев республикын кечыжым палемдаш кузе ямдылалтме шотышто совещанийым эртарен.

Марий Элым вуйлатыше Юрий Зайцев Россий Федерацийыште региональный вияҥмаш шотышто правительственный комиссийын президиумжын (штабшын) заседанийыштыже лийын. Тудым видеоконференций йӧн дене Россий правительстве председательын алмаштышыже Марат Хуснуллин вӱден. Тудо чоҥымо отрасльыште тений 9 тылзыште паша сайын кайымым палемден

Юрий Зайцев Марий Элын Антитеррористический комиссийжын заседанийжым эртарен.

Покро пайрем ошыгечын Йошкар-Олаште Свято-Троицкий Сергиевый лавр гыч кондымо кугун орланыше православный святой Георгий Победоносецын мощыжын ужашыжым аралыше ковчегым Благовещений кафедаральный соборышто вашлийыныт. Туштак Сеҥымаш верч всероссийский молебен эртен.

Профессионал пайремышт вашеш эртыше торжественный мероприятийыште Марий Эл вуйлатыше Юрий Зайцев корно отрасль пашаеҥ ден ветеран-шамычым саламлен.

Марий Эл вуйлатыше Юрий Зайцев «Марийскавтодор» организацийлан 75 ий теммылан пӧлеклалтше торжественный мероприятийыште лийын

Марий Эл правительстве пӧртыштӧ кундемыштына концессий ойпидыш почеш чоҥалтше школ-влак шотышто каҥашымаш лийын.

9 октябрьыште Марий Эл вуйлатыше Юрий Зайцев паша дене Юрино районыш миен коштын. Тушто тудо Россий Президент Владимир Путинын кӱштымашыж почеш федеральный проектла дене келшышын уэмден олмыктымо объект-влакым ончен савырнен да совещанийым эртарен.

10 октябрьыште Йошкар-Олаште «Марий Элысе профессионал образований системе. Перезагрузко» республик кӱкштан форум эртен. Тушто регионысо правительстве председательын икымше алмаштышыже Михаил Васютин лийын.