Федераций Советыште 23 гыч 25 октярь йотке республикын кечыже-влак эртат. Кугу делегацийым Марий Элым вуйлатыше Юрий Зайцев вуйлата.
Кум кече жапыште регионлан кӱлешан ятыр мероприятий эртаралтеш. Программе пеш поян. «Федераций Советын заседанийыштыже Россий Федерацийын субъектшын шагатше» пленарный заседаний да Россий парламентын кӱшыл палатыжын председательже Валентина Матвиенко дене вашлиймаш тӱҥ событийыш савырнат. Марий Элым вуйлатыше республикым социальный ден экономике велым вияҥдыме паша кызыт кузерак шукталтме да тудын ончыкылыкшо нерген докладым ышта.
Марий Эл Республикын кечылажым эртарыме кышкарыште регионын историйже да шумо сеҥымашыже нерген каласкалыше выставке пашам ышташ тӱҥалеш.
Юрий Зайцев кум кече жапыште исполнительный кучемын федеральный органже-влакын вуйлатышышт, Федераций Советын комитетше-влакын председательышт дене вашлиеш, пеш кӱлешан йодышлам да сай ончыкылыкым сӧрышӧ корнылам каҥаша. Комитет-влакын заседанийыштышт социальный сферым, илыме вер ден коммунал озанлыкым, агропромышленный комплексым, спорт ден туризмым вияҥдыме, образований ден культур сферыште кызытсе жаплан келшыше инфраструктурым ыштыме, цифровой сервис-влакым шыҥдарыме опыт нерген мктланат. Кутырен келшыме ой-влак Федераций Советын пунчалжын негызышкыже савырнат.
Марий Эл Республикын кечыже-влак 23 октябрьыште Юрий Зайцевын Россий Федерацийын просвещений министрже Сергей Кравцов ден вашлиймашыж дене почылтын.
Марий Эл Республикым вуйлатышын администрацийжын информаций паша пӧлкажын уверже негызеш П.Шакиров ямдылен
