Марий Эл вуйлатыше Юрий Зайцев «Марийскавтодор» организацийлан 75 ий теммылан пӧлеклалтше торжественный мероприятийыште лийын.
– Мемнан республикын экономикыжым вияҥдымашке «Марийскавтодор» кугу надырым пышта. Тыланда мый пашам умбакыжат сайын шукташ, ятыр ий жапыште компанийда могай кугу опытым поген, тудым Марий Элын да Росиий Федерацийын илышыштым саемдаш кучылташ темлем, молан манаш гын те федеральный корным ыштымаштат тыршеда, – каласен Юрий Зайцев.
Пытартышлан Марий Эл вуйлатыше «Марийскавтодор» предприятийын коллектившылан Россий Федерацийын Транспорт министерствыжын почетан дипломжым кучыктен.
Марий Эл Вуйлатышын администрацийжын информаций паша пӧлкажын уверже негызеш Л.Камалетдинова ямдылен
