Специальный военный операцийыште участвоватлыше землякна-влаклан черетан гуманитар полышым колтеныт.
Марий Эл вуйлатыше Юрий Зайцевын палемдымыж почеш, СВО зоныш боец-шамычлан 5 автомобильым («Буханка» УАЗ-ым, «Нива» автомобильым), чоҥымо материалым, генераторым, квадрокоптерым, тепловизор-влакым, йӱдым ончышаш приборым, тӱжем утла малыме мешакым, дождевикым колтеныт.
Волонтёр-шамыч окопышто кучылтшаш сортам, салфеткым, маскироватлыме сеткым, тӱрлӧ эмым да моло кӱлешым погеныт.
Гуманитар полышым республикнан чыла районжо гыч калык поген.
Юрий Зайцев Марий Эл гыч служитлыше боец-шамычын чыла подразделенийже дене кылым куча, гуманитар полышым йодмо почеш адрес денак колтымымат контролироватла.
– Грузым погымо семын колтена. Гуманитар полышым военнослужащий-влаклан мо кӱлешым шотыш налын погена. Тушко тӱрлӧ сферыште тыршыше-шамыч ушнат. Чылажымат шотыш налын мо кӱлешым колтена. Боецна-шамычлан умбакыжат полшаш тӱҥалына, – пеҥгыдемден регион вуйлатыше.
Марий Эл Республикым вуйлатышын администрацийжын информаций паша пӧлкажын уверже негызеш Е.Эшкинина ямдылен
