Новости

Республик вуйлатыше Юрий Зайцев РФ военный службыш призыв шотышто совещанийым эртарен.

23 ноябрьыште Марий Эл вуйлатыше тунемме организаций ден тӱвыра учрежденийлаште лӱдыкшыдымӧ лийшаш шотышто мо ышталтме нерген докладым колыштын.

Марий Эл вуйлатыше Юрий Зайцев совещанийыште Херсон да Херсон область гыч толшо-влаклан кӱлшӧ кеч-могай полышым пуаш кӱштен.

25 ноябрьыште Марий кугыжаныш университет 50 ияш лӱмгечыжым палемден. Марий Элым вуйлатыше Юрий Зайцев тиде кугу событий дене вузышто вуйлатыме пашам шуктышо, туныктышо да студент-влакым саламлен.

25 ноябрьыште Марий Элын рӱдолаштыже Военный моряк ден морской пехотинец-шамычлан мемориал комплексым торжественно почыныт.

24 ноябрьыште федерал бюджет кӱшеш республикысе 13 районлан да Йошкар-Ола округлан чумыр налмаште 31 школ автобусым пуымо.

Марий Элым Вуйлатыше Юрий Зайцев 24 ноябрьыште Россий Федераций Кугыжаныш советын комиссийжын пашаче группыжын пырля эртарыме заседанийыштыже участвоватлен.

Йошкар-Олаш Индий Республикын полномочный министрже, ты элын Россий Федерацийысе посольствыжын советникше Субрата Дас толын коштын. Тудын дене 24 ноябрьыште Марий Элым Вуйлатыше Юрий Зайцев вашлийын.

Медведево район Знаменский посёлкысо Новая уремыште чоҥымо 35 пачеран у пӧртын 22 пачерышкыже илаш пуреныт. Чылаже 89 еҥ пӧртсийым пайремлаш ямдылалтеш.

Марий Элым Вуйлатыше Юрий Зайцев 18 ноябрьыште Экологический, технологический да атомный надзор шотышто федеральныйслужбын Юл кундем управленийжын управлений аппаратшын территориальный органжым вуйлатыше Азат Мубаракшин дене вашлийын мутланен.

Марий Эл вуйлатышын кӱштымыж почеш Йошкар-Олалан 50 у пассажир автобусым налыт.

Эртыше кечылаште Марий Эл вуйлатыше Юрий Зайцев Советский да Российский лётчик, отставкысе подполковник Российын Геройжо Владимир Шарпатов дене вашлийын.

Марий Элыште илыме верым чоҥен шуктымаш идалык тӱҥалтышысе деч 1,5 ганалан ешаралтын. Ты показатель дене республикна Россий Федерацийысе ТОП-20 субъект радамыш пурен. Ноябрь кыдаллан данный почеш, регионышто 421 тӱжем квадратный метр илыме верым чоҥымо. Идалыкаш план 110 процент нарылан шукталтын.

Илалше ийготан граждан ден инвалид-влакым кужу жап ончымо системе шотышто проектым Марий Элын чыла олаж ден районыштыжо кумдаҥдат.

Кодшо кечылаште Йошкар-Олаште «Регион-влак – элнан сар историйыштыже»   IV шанче-практик конференций эртен.

15 ноябрь гыч 2 декабрь марте Марий Элыште «Бей в набат!» антинаркотический акций эрта.

Марий Элым Вуйлатыше Юрий Зайцев «Справедливый Россий – патриот-влак – чын верч» партийын региональный пӧлкажлан сусыргышо-влакым утарышашлан тактический носилкам урген ямдылыме проектшым шукташ полшаш кӱштен.

Кажне ийын Марий кугыжаныш университетыште художественный самодеятельностьым йӧратыше-влаклан «Рвезылык йӱк» фестиваль лиеш. Эртышым шергалаш гын, тудыжо вузышто 1965 ий гычак эртаралтеш, да икымше курсыш тунемаш толшо-шамычлан студент илышыш ошкылым чолган ышташ йӧным пуа.

Марий Эл вуйлатыше «За достойное воспитание детей» почетан знакым учредитлен.

11 ноябрьыште Марий Эл правительстве председательын алмаштышыже Александр Сальников верысе самоуправлений органлаште сай паша лектышыш шумылан район вуйлатыше-влакым да республикыште кумдык-влакым тӱзатыме шотышто всероссийский йӱклымаш йодышым СМИ-лаште тӱрыс почын пуышо журналист-влакым наградитлен.