Марий Эл вуйлатыше Юрий Зайцев совещанийыште Херсон да Херсон область гыч толшо-влаклан кӱлшӧ кеч-могай полышым пуаш кӱштен.
– Херсон да Херсон область гыч еҥ-шамыч мемнан республикыште шкеныштым сайын шижышт манын, чыла условийым ыштыман. Нуно Российыште илыше-влак улыт да тыште кодаш кумылышт лиеш гын, моло семынак келшен толшо льгот, права дене пайдаланашышт йӧн ышталтшаш. Ме ты шотышто полшышаш улына, – каласен Юрий Зайцев.
Республикын правительстве председательжын алмаштышыже Александр Сальников палдарен: толшо граждан-шамычлан выплате тӱлалтеш. Кызыт нуным жаплан илаш келыштарыме пунктыш вераҥдыме. МФЦ, миграционный службо кӱлеш чыла полышым пуат. Могай йодыш пура гын, тудым вигак рашемдат.
Совещанийыште Марий Эл вуйлатыше республикыште илыше-влак ӧрдыжеш огыт код да черетан гана икоян, весылан полшаш кумылан улмыштым, патриотизмым ончыктеныт манын палемден.
Марий Эл вуйлатышын администрацийжын увер паша отделжын материалже негызеш Л.Камалетдинова ямдылен
