Архив новостей
Марий Элын Верховный Судшым ыштымылан 100 ий темын. Марий Элым вуйлатыше Юрий Зайцев тидын лӱмеш эртарыме пайремыште лийын да судын коллектившым чапле лӱмгече дене саламлен.
Марий Эл вуйлатыше Юрий Зайцев республикысе Элгӧргӧ паша министерствын коллегийжын заседанийыштыже лийын. Тушто 2022 ийыште оперативно-служебный паша кузе кайымым иктешленыт да тенийлан мом ыштышашым палемденыт.
Марий Эл вуйлатыше Координационный советын заседанийыштыже мобилизоватлыме, спецоперацийыште лийше-влаклан полышым пуымо шотышто задачым шукташ манын.
24 январьыште республикнан чыла районжо ден олалаштыже Оборонно-массовый да военно-патриотический паша месячник стартым налын. Тудым торжественно почмаште Марий Эл вуйлатыше лийын.
Регионым вуйлатышын кӱштымыж почеш «Кичиер» санаторийыште СВО-што сусыргышо военнослужащий-влаклан тазалыкым пеҥгыдемдыме сменым ыштыме. Тыште 12-шо гыч 25-ше январь марте спецоперацийын 20 участникше реабилитацийым эртен.
17 январьыште Марий Элын Кугыжаныш Погыныштыжо депутат-влак регионын тазалык аралтыш министрже Марина Панькова дене вашлийын мутланеныт. Вашлиймаш нерген пунчалым кумло нылымше сессийыште лукмо, молан манаш гын парламентарий-шамычын М.Паньковам тазалык аралтыш министрын должностьышкыжо угыч пеҥгыдемдыме годым медицине организаций-влакын пашашт шотышто шуко йодышышт лектын.
Марий Эл вуйлатыше Юрий Зайцев Россий чоҥымо, илыме вер да коммунал озанлык министр Ирек Файзуллин дене вашлийын. Совещанийыште «Илыме вер да оласе среда» национальный проект дене келшышын, илыме верым да инфраструктур объект-влакым чоҥымо йодышым каҥашеныт.
«Фонд развития территорий» публично-правовой компанийын средстваже кӱшеш коммунал инфраструктур системым модернизироватлаш Марий Эл Республикылан лимитым пеҥгыдемдыме. Тудын кугытшо – 615 миллион теҥге, тышеч 142 млн.теҥгем тений, а 473,6 млн. теҥгежым шушаш ийыште кучылташ палемдыме.
18 январьыште Марий Элым вуйлатыше Юрий Зайцев «Российын кӱртньыгорныжо» ОАО-н филиалжылан шотлалтше Горьковский кӱртньыгорнын начальникше Сергей Дорофеевский дене вашлийын.
Республикышсе сатум ыштен налше да услугым пуышо лу предприятий тиде ганат сай качестван да лӱдыкшыдымӧ сатум ямдылымыжым ончыктен. Эше кум предприятий 2022 ийыште «Марий Эл Республикыште наставничествын эн сай практикше» региональный конкурсышто ончыл верым налын.
Марий Эл вуйлатыше Юрий Зайцев «Единый Россий» политический партийын Россий Федарацийысе субъектлаште социальный газификаций шотышто поро тӱҥалтышыжым шуктымо йодыш дене совещанийыште видеоконференций йӧн дене лийын.
Марий Элым вуйлатыше Юрий Зайцев «Увер дене палдарыме кечым» эртарыме годым еҥ-влак деч ик эн тургыжландарыше йодышыштым погаш темлен.
13-15 январьыште Йошкар-Оласе «Марий Эл» ий полатыште фигурный мунчалтымаш дене Российын кубокшо верч таҥасымашын 4-ше этапше эртен. Тыгак синхрон мунчалтымаш дене самырык-влак коклаште «Марийские встречи» всероссийский турнир иктешлалтын.
Военный, мобилизоватлыме да шке кумылын Украиныште эртыше специальный военный операцийыште улшо патырна-влак тӱрлӧ задачым шуктат. Тыглай огыл саманыште нунылан тул-вӱд вошт неле чаракым эрташышт логалеш. Российын салтакше-шамыч шке калыкыштым, тыгак Донецк, Луганск республикласе, Харьковский, Запорожский областьласе иза-шольо, ака-шӱжарыштын илышыштым аралат.
Марий Элым вуйлатыше Юрий Зайцев начар тазалыкан йочалан системный блокым пӧлеклен.
Марий Элым вуйлатышын кӱштымашыже почеш, мемнан республик деч Луганск область гыч 1200 йоча у ий пӧлекым налын.
Марий Эл вуйлатыше Юрий Зайцев муниципал образований вуйлатыше-влак дене У ий деч ончыч видеоконференций йӧн дене совещанийым эртарен.