24 ноябрьыште федерал бюджет кӱшеш республикысе 13 районлан да Йошкар-Ола округлан чумыр налмаште 31 школ автобусым пуымо.
Марий Элым вуйлатыше Юрий Зайцев верласе образований пӧлкам вуйлатыше-влаклан сравочым кучыктымыж годым палемден: у транспорт средства изи пассажир-влакым шупшыкташ чыла шотыштат йӧнан.
«Образований сферылан федеральный рӱдер ден республикын кучемже кугу тӱткышым ойыра. Тиде – национальный проектлам илышыш шыҥдарымаш, цифран кумдыкым вияҥдымаш, школлам олмыктымаш. А таче тунемме вер-шамычлан транспортым пуэна. Автобуслаште кӱлешан чыла системе уло: навигаций, посна кресле, лӱдыкшдымылык кӱзанӱштӧ. Чылажат лийшаш, вет йоча-влак мемнан эн тӱҥ пассажир улыт», – каласен регионым вуйлатыше.
Тудо ешарен: пытартыш куд ийыште федеральный полышлан кӧра республиклан 250 школ автобусым налме, районласе автопаркым уэмдыме паша умбакыже шуйна.
Вашлиймаш годым Килемар районысо образований да молодёжь дене пашам ыштыме шотышто пӧлкам вуйлатыше Ольга Кузовкова Марий Элым вуйлатышылан тауштен ойлымыж годым палемден: у автобус дене йоча-влакым тӱрлӧ таҥасымашыш, фестивальыш да моло вере шупшыкташ йӧнанрак лиеш.
Марий Эл Республикым вуйлатышын организаций да аналитике виктемжын уверже негызеш Г.Кожевникова ямдылен
