Шарнымаш мемориал комплекс

25 ноябрьыште Марий Элын рӱдолаштыже Военный моряк ден морской пехотинец-шамычлан мемориал комплексым торжественно почыныт.

Военно-мемориал комплексым Йошкар-Оласе Машиностроитель уремеш келыштареныт. Республик вуйлатыше Юрий Зайцев ушештарен, вет 27 ноябрь – Морской пехотын кечыже.

– Тиде мемориал – тӱрлӧ жапыште шке илышыштым шочмо элнан эрыкше верч вуйыштым пыштыше моряк да морской пехотинец-влакым шарнымашын символжо. Военно-морской флот – вооруженный вийын посна видше. Тушко чыла тӱрлӧ войска пурталтын. Тачысе куштылго огыл жапыште мемнан калыкнан нацист-влак ваштареш кредалмашкыже Военно-морской флотын боецше-влак чолган ушненыт. Пограничник-шамыч элнан чекшым ӱшанлын аралат, – манын Юрий Зайцев.

Тиде мемориалым ышташ Россий ВМФ-ын регионал «Флагман» ветеран Советын членже, республикысе ДОСААФ организацийын еҥже, боевой действийын ветеранже-влак темленыт. Комплексшым шем гранит гыч ыштыме, а якорь ден печым инициативный группо шогалтен. Нунак мемориал йыр вондерым келыштареныт.

Республик вуйлатыше ты пашам ышташ тӱҥалше ден чоҥышо-шамычлан тауштен да ты мемориал комплекс ӱмыр лугыч лийше-шамычым шарныме, самырык тукымлан военно-патриотический мероприятийым эртарыме, пеледыш аршашым пыштыме вер лиеш манын.

Мучашлан Ю.Зайцев пеледыш аршашым пыштен да торжественный мероприятийыш толшо-влак дене войзалтын.


Марий Эл Республик вуйлатышын организаций да аналитике виктемжын уверже негызеш Е.Эшкинина ямдылен