Медведево район Знаменский посёлкысо Новая уремыште чоҥымо 35 пачеран у пӧртын 22 пачерышкыже илаш пуреныт. Чылаже 89 еҥ пӧртсийым пайремлаш ямдылалтеш.
Марий Эл вуйлатыше Юрий Зайцевын кӱштымыж почеш республикын Правительстве Председательын алмаштышыже Александр Сальников нунылан чыла шотыштат йӧнан у пачер деч сравочым кучыктен. Посёлкышто илыше калыкым тыгак Медведево район администрацийым вуйлатыше Денис Окулов саламлен.
Граждан-влакым у пачерыш кусарымаш «Илыме вер да оласе йырвел» нацпроектын «Илаш йӧрдымӧ илыме вер фондым шагалемдаш йӧным ыштымаш» федеральный проект кӱшеш шукталтеш. Тиде проект почеш Медведево районышто аварийныйлан шотлалтше 19 пӧрт гыч еҥ-влаклан вес вере илыме верым ойырымо. 2017 ий 1 январьлан илаш лӱдыкшылан шотлалтше илыме вер фонд гыч кусарыме шотышто лӱмын программе уло. Медведево район ты программым тӱрыс шуктымо дене республикыште кокымшылан шотлалтеш
Марий Эл Республикым вуйлатышын организаций да аналитике управленийжын уверже негызеш Л.СЕМЕНОВА ямдылен
