23 ноябрьыште Марий Эл вуйлатыше тунемме организаций ден тӱвыра учрежденийлаште лӱдыкшыдымӧ лийшаш шотышто мо ышталтме нерген докладым колыштын.
Юрий Зайцев Марий Эл Республикын Антинаркотический комиссийжын черетан заседанийжым эртарен. Тудо кодшо погынымаште пуымо кӱштымаш-влак нерген ушештарен.
Республикын образований да науко министржын пашажым шуктышо Лариса Ревуцкая палдарен: Марий Эл вуйлатышын кӱштымыж почеш школлаште да кыдалаш тунемме заведенийлаште тергымаш, тренировко, инструктаж-влак эртаралтыныт, оповещений схеме ден эвакуаций планын кӱлешлыкыштым палемденыт, охране да тунемме организацийлаште тыршыше пашаеҥ-влакын мом да кузе ыштышаштым каҥашеныт. Могай нарушений вашлиялтын гын, нуно кызыт кораҥдалтыт, ойлен Лариса Ревуцкая.
Заседанийын иктешлымашыж почеш ончыкыжым ыштышаш мере-влакым палемденыт. Нуно тӱвыра да образований объект-влакым терроризм лийме деч аралаш, тыгай годым, тыгак вооруженный нападений жапыште тунемше, пашаеҥ, оролышо-влакым шкеныштым кузе кучаш кӱлмӧ шотышто туныктымылан виктаралтыныт.
Марий Эл Республикым вуйлатышын организаций да аналитике виктемжын уверже негызеш Л.Камалетдинова ямдылен
