Республик вуйлатыше Юрий Зайцев РФ военный службыш призыв шотышто совещанийым эртарен.
Тӱҥ налмаште призыв шке радамже дене эрта. Лекше йодышым жапыштыжак ончен лектыт, решатлат.
– Кызыт мемнан дене шыже призыв кая. Палемдыме показательыш шуаш кузе ме тыршена? Тылеч посна военкомат зданий-шамычын могай шотышто улмыштым ончалаш кӱлеш, – палемден Ю.Зайцев да икмыняр муниципалитетын вуйлатышыштлан шыже призыв пашам чолганрак ышташ кӱштен.
Марий Эл Республик вуйлатышын организаций да аналитике виктемжын уверже негызеш Е.Эшкинина ямдылен
