Новости

Чолга марий-влакым ушышо «Марий Мер Каҥаш» регион-влак кокласе мер толкыным ыштымылан 30 ий темын. Лач тидлан пӧлеклалтын ыле кодшо шуматкечын республикнан рӱдолаштыже эртыше «Марий форум: шошымсо сессий». А пайрем – тиде эре уна-влак, эртыме корным, паша лектышым иктешлаш, ойыртемалтше-влакым чапландараш, сеҥымашым ончыкташ амал, шуко саламлыме мут…

Марий Эл вуйлатыше Юрий Зайцев Антитеррористический комиссийын заседанийжым эртарен.

Марий Элыште капитально чоҥымо икмыняр объектыште пашам палемдыме жап деч ончыч мучашлаш палемдат.

Козьмодемьянскысе «Потенциал» электротехнический изделий заводышто «Систэм Электрик» (ончычсо Schneider Electric) компаний-влак группо производствым вияҥдымашке кугу инвестицийым пышташ да предприятийым у кӱкшытыш нӧлталаш шона. Марий Элым вуйлатыше Юрий Зайцев тудын генеральный директоржо Алексей Кашаев дене вашлийын.

Марий Эл вуйлатыше Юрий Зайцев Юл кундемыште национальный безопасность дене кылдалтше йодыш шотышто совещанийын пашашкыже ушнен. Тудым РФ Безопасность совет секретарь Николай Патрушев вӱден.

16 мартыште Москваште Россий Федерацийыште региональный вияҥмаш шотышто правительственный комиссийын президиумжын заседанийже эртен. Марий Эл вуйлатыше Юрий Зайцеват тушто лийын.

Марий Элым вуйлатыше Юрий Зайцев паша рынкым уэш йол ӱмбаке шогалтыме йодыш дене ведомстве-влак кокласе пашаче группын заседанийыштыже лийын. Тудо РФ правительстве председательын алмаштышыже Татьяна Голикован вуйлатымыж почеш эртен.

16 мартыште Марий Элысе ЦИК председатель журналист-влак дене вашлийын. Тушто тудо тений сайлымаш системыште мо лийшаш дене палдарен.

17 мартыште Марий Эл вуйлатыше Юрий Зайцев Юл кундем федеральный округышто РФ президентын полномочный представительже пеленысе Советын заседанийжын пашашкыже ушнен. Мероприятий Самарыште лийын.

«МЭТР» телекомпаний директор национальный телерадиовещанийлан полышым пуымылан Марий Эл вуйлатышылан тауштен.

Тынар кумдыкышто тений шошым икияшым ӱдаш палемдыме.

Марий Элым вуйлатыше Юрий Зайцев Республикын инвестиционный декларацийжым Указше дене пеҥгыдемден.

9-13 мартыште Йошкар-Оласе «Марий Эл» ий полатыште фигурный мунчалтымаш дене «Мемориал С.А.Жука» всероссийский таҥасымаш эртен.

Марий Элым вуйлатыше Юрий Зайцевын кӱштымыж почеш, Роспотребнадзорын Марий Элысе виктемжын специалистше-влак Йошкар-Оласе Интеграл микрорайонышто южын качествыжым чарныде тергат.

Россий Федерацийын президентше Владимир Путинын кӱштымашыже почеш, 2023 ийым Туныктышын да наставникын идалыкышт семын увертарыме. Идалыкын миссийже – педагогын статусшым кӱшнӧ кучаш, тиде профессийын кӱлешлыкшым ончыкташ да тудын деке пагалымашым вияҥдаш. «Тудым эртарымын тӱҥ шонымашыже, задачыже – обществын тӱткышыжым йоча-влак, молодёжь дене вийыштым, жапыштым чаманыде пашам ыштыше еҥ-влаклан ойыраш», – каласен президент.

Марий Элым вуйлатыше Юрий Зайцев 10 мартысе Указше дене республикын чоҥымо паша да илыме вер ден коммунал озанлык министржлан Наталья Витальевна Ошлановам шогалтен.

Марий Элым вуйлатыше Юрий Зайцев геральдике совет нерген положенийым да тудын у составшым пеҥгыдемден. У составыш кучемын еҥже ден профильный специалист-влак пуреныт.

7 мартыште Марий Элым вуйлатыше Юрий Зайцев республикын ӱдырамаш активше дене вашлийын.

Марий Эл вуйлатыше Юрий Зайцев СВО-што участвоватлыше-влакын пелашышт ден аваштлан республикна гыч боец-влак деке Луганск областьыш миен коштмыж нерген каласкален. Вашлиймаште тыгак Ачамланде воин-влакын ешышт комитетын регионал пӧлка штабшын представительже-влак лийыныт.

Марий Эл вуйлатыше Ю.Зайцев паша дене Луганскыш мийымыж годым Луганск Калык Республикын Вуйлатышыже Леонид Пасечник дене вашлийын, республикна гыч мобилизоватлыме еҥ-шамыч дене вашлийын.