Марий Элым Вуйлатыше Юрий Зайцев 18 ноябрьыште Экологический, технологический да атомный надзор шотышто федеральныйслужбын Юл кундем управленийжын управлений аппаратшын территориальный органжым вуйлатыше Азат Мубаракшин дене вашлийын мутланен.
Тидын годым республикын промышленный лӱдыкшыдымылыкшын могайрак улмыж да 2022-2023 ийласе шыже теле жаплан кузерак ямдылалт шумо нерген йодышлам каҥашыме.
Тачысе кечылан республик кумдыкышто Юл кундем управлений 934 лӱдыкшӧ производственный объектым эскерен шога. Тений 9 тылзе жапыште Марий Элыште аварий да азап лийын огытыл. Кодшо ият сайын эртен.
Азат Мубаракшин Юрий Зайцевым Марий Элым Вуйлатышылан сайлалтмыж дене саламлен да управлений тендан командыда дене республикын да Россий Федерацийын пиалышт лӱмеш умбакыжат пайдалын пашам ышташ тӱналеш манын ӱшандарен.
Калыклан илашыже йӧным ыштен шогышо объект-влакым да да социальный сферым шыже-теле жаплан ямдылыме нерген ойлаш гын, тиде паша организационно-технический мероприятийлам эртарыме план-график дене келшышын шукталтеш. Чыла мероприятийым палемдыме жапыште тичмаш кугыт дене шуктымо.
Вӱдым ситарен шогымо да кучылталтше вӱдым йоктарен колтымо системылаште аварийный ситуацийым кораҥдышашлан Марий Эл правительствын резерв фондшо гыч 80 миллион теҥгем ойырымо. Ты оксам нине системыласе 10 объектыште лийше аварийный ситуацийым кораҥдаш кучылтмо.
Электроэнергийым ситарен шогымо чыла автономный резервный источникым кӱлеш лийме годым кучылташ сайын ямдылыме, нунылан йӱлышӧ да шӱрымӧ материалым ситышын шапашлыме.
Калыклан илашыже йӧным ыштен шогышо объектлаште да да социальный сферыште аварий лийын кертме лӱдыкшым жапыштыже да писын кораҥдышашлан ЖКХ организацийлаште аварийно-восстановительный бригаде-влакым чумырымо, тидлан кӱлшӧ техникым ситарыме.
Олтымо сезон чыла муниципальный образованийыште тӱҥалын да тудо сайын эрта.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
