Архив новостей
Лач тыге каласен Марий Элым вуйлатыше Юрий Зайцев 15 февральыште ветеран мер организаций-влакын вуйлатышышт дене вашлиймаште. Тудо республикыште Ветеран-влакын советыштым у формат дене чумыраш темлен.
Марий Элым вуйлатыше Юрий Зайцев Ульяновск областьыште лиймыж годым тунемме сфер дене кылдалтше объектлаште лийын.
Марий Эл вуйлатыше Юрий Зайцев ден Ульяновск областьын губернаторжо Алексей Русских паша вашлиймашым эртареныт да кок вел гычат торгово-экономический, научно-технический, образовательный да тӱвыра областьлаште оптимизацийым эртарымаште ваш келшен пашам ыштыме нерген ойпидышыш кидпалыштым пыштеныт.
Республикышкына Ульяновск область гыч бизнес-шоныш дене делегаций толын кайыме деч вара мемнан дечынат тыгаяк делегаций ты регионыш миен коштын. Тушто Марий Эл вуйлатыше Юрий Зайцев дене пырля кучем орган ден промышленный предприятий-влакын вуйлатышышт лийыныт.
Промышленный коопераций сферыште пашам пырля ыштымашым регион-влак коклаште вияҥден толмо йодышлан пӧлеклалтше совещанийыште Марий Эл вуйлатыше палемден: вес регионын йӧнжо дене палыме лийме деч вара переговорым эртарымаш партнёр кылым пеҥгыдемда, кучем ден бизнеслан умылымашке шуашышт полша.
