Новости

Марий Эл вуйлатыше Юрий Зайцев Курыкмарий районыш миен коштшыжла фермер озанлык дене палыме лийын, тыгак чоҥалтше икмыняр объектым аклен.

2023 ийыште Марий Элыште республиканский адресный инвестиционный программе дене 50 утла социально кӱлешан объектым чоҥымо да шотыш кондымо.

Козьмодемьянскыш мийышыжла, Марий Эл вуйлатыше Юрий Зайцев тусо промышленный предприятийлаште лийын.

6 февральыште Козьмодемьянскысе лицейын пырдыжешыже ты тунемме заведенийын выпускникше Леонид Рыжовлан почётан оҥам пижыктеныт.

Марий Эл вуйлатыше Ю.Зайцев республикысе школ-влакым 2024 ийыште капитально олмыктымо йодыш дене кылдалтше заседанийым эртарен.

Марий Эл вуйлатыше Юрий Зайцев военный службыш контракт почеш ойырымо шотышто совещанийым эртарен.

2023 ийыште Марий Элыште туризмым вияҥдыме пашалан 130 миллион теҥге ойыралтын.

Москваште Российысе военно-исторический обществын погынжо эртен. Марий Эл гыч тушко Марий Эл Республик председательын икымше алмаштышыже, Российысе военно-историчечский обществын регионысо пӧлкажым вуйлатыше Евгений Кузьмин миен.

Марий Эл Запорожье областьысе Куйбышевский район кумдыкышто олмыктымо пашам умбакыже шуя.

1 февральыште Йошкар-Олаште Марий Элын Калык-влак келшымаш пӧртыштӧ «Российысе калык-влак ассамблей» общероссийский мер- кугыжаныш организацийын регионысо пӧлкажын заседанийже эртен.

Юрий Зайцев Марий Элыште Ешын идалыкшым почын. Тидлан пӧлеклалтше торжественный мероприятий 29 январьыште Э.Сапаев лӱмеш Марий кугыжаныш академический опер да балет театрыште эртен.

«Здравоохранений» национальный проектын «Россий Федераций здравоохраненийын первичный звеножым модернизироватлымаш» регионысо проектшым илышыш пуртымо кышкарыште Республиканский клинический больницын офтальмологический поликлиникыжым капитально олмыктымо.

Республикысе профсоюз-влакын залыштышт шушаш Россий Президентым сайлымаште Марий Элысе Мер палатын эскерыме пашам эртарымашке мер организаций-влакым ушымо дене кылдалтше ойпидыш-влак ышталтыныт.

Марий Эл вуйлатыше Юрий Зайцев Суд пристав-влак федеральный службын Марий Элысе управленийжын коллегийжын кумдаҥдыме заседанийжын пашашкыже ушнен. Тушто ведомствын 2023 ийысе пашажым иктешленыт да тений ыштышашым палемденыт.

Юрий Зайцев Марий Элыште Айдемын праваже шотышто уполномоченный Фанис Мухаметгалиев дене паша вашлиймашым эртарен.

27 январьыште, Кугу Отечественный сар годым Ленинград олам фашист блокаде гыч утарымылан 80 ий темын. Ты исторический датым уло кугыжаныш калыкна палемден. Марий Эл вуйлатыше Юрий Зайцев, правительстве председательын икымше алмаштышыже Михаил Васютин Санкт-Петербургысо Пискарёвский мемориал шӱгарлаште эртыше торжественно-траурный церемонийыште лийыныт, Кугу Отечественный сар годым Ленинградым аралымаште Марий кундем гыч участвоватлыше да вуйым пыштыше салтак-шамычлан Шарнымаш аллейысе плита воктеке пеледыш аршашым пыштеныт.

Россий студенчествын кечынже республикым вуйлатыше Юрий Зайцев Марий кугыжаныш университетыште шинчымашым погышо студент еш-влак дене вашлийын, нуным пайрем дене саламлен, тунеммаште сеҥымашым, илышыште йӧратымашым да умылымашым тыланен.

ВДНХ-ште «Россия» тӱнямбал выставке-форум кумдыкышто «Марий Эл Республикын экспорт куатше да Азийысе эл-влак дене кылым кучымо ончыкылык» теме дене йыргешке ӱстел эртен.

Марий Элым вуйлатыше Юрий Зайцевын кӱштымыж почеш республикнан социальный тӧнежше-влаклан 25 автомобиль ден автобусым налме.

Марий Эл Республикын правительствыштыже агропромышленный комплекслан специалист-влакым ямдылыме йодышым каҥашыме.