Погын гыч погын марте…

Москваште Российысе военно-исторический обществын погынжо эртен.  Марий Эл гыч тушко Марий Эл Республик председательын икымше алмаштышыже, Российысе  военно-историчечский обществын регионысо пӧлкажым вуйлатыше Евгений Кузьмин миен.

Погынышто обществын 2022-2023 ийласе пашажым иктешленыт. Погыным Россий Федераций президентын полышкалышыже, Российысе военно- исторический обществын председательже Владимир Мединский почын. Кугу элнан чыла субъектше гыч еҥ-влак лийыныт. Ончыктен кодыман, кажне регионысо пӧлка самырык-влакым шочмо элым йӧраташ кумылаҥдымашке, исторический тӱвыра поянлыкым арален кодымашке, отечественный военный историйым  палдарымашке виктаралтше тӱрлӧ конференцийым, фестиваль ден форумым, интерактивный занятий-влакым эртара.

Погыныш мийыше-влак кодшо идалыкысе пашам иктешлыме дене пырля 2024, 2025 ийлан паша радамым рашемденыт.

Туштак Российысе военный исторический обществын научный советшын председательже, Россий МИД-ын посна поручениий шотышто посолжо, писатель да публицист Владимир Чуровлан шарнымаш оҥам торжественно почыныт. Мероприятий обществын штаб-квартирыжын оралтыштыже эртен. Тудын деч вара погыныш мийыше-влаклан экскурсийым эртареныт.

  Марий Эл вуйлатышын информаций паша шотышто пӧлкажын уверже негызеш С.Носова ямдылен