Марий Эл вуйлатыше Юрий Зайцев военный службыш контракт почеш ойырымо шотышто совещанийым эртарен.
Ты кечын тыгак 2023 ийысе пашам иктешленыт да 2024 ийлан ыштышаш задачым палемденыт.
Ю.Зайцев РФ Вооружённый Вийын радамышкыже шогалшаш кумылан-влаклан сай йӧным ышташ кӱлмӧ нерген ойлен.
Контрактым идалыклан подписатлымеке, Россий президентын указше дене келшышын, 195 тӱжем теҥге единовременный выплатым тӱлат. Тыгодым республикын бюджетше гычат ик гана ешарен тӱлыман выплате 250 тӱжем теҥге лиеш.
Регионышто специальный военный операцийын участникше-влаклан да нунын ешыштлан полшымо шотыштат тӱрлӧ йӧн илышыш шыҥдаралтеш. Калыкым социальный аралыме, образований, пашам пуымо да икмыняр моло направлений тӱҥлан шотлалтеш.
Марий Эл Республикым вуйлатышын администрацийжын информаций паша пӧлкажын уверже негызеш Е.Эшкинина ямдылен
