Марий Элым вуйлатыше Юрий Зайцевын кӱштымыж почеш, Роспотребнадзорын Марий Элысе виктемжын специалистше-влак Йошкар-Оласе Интеграл микрорайонышто южын качествыжым чарныде тергат.
Нуно 27 февраль гыч 5 март йотке чылаже 72 пробым налыныт да шымлыме показатель-влак (углеродын оксидше, серан диоксидше, азотын диоксидше, азотын оксидше, углерод, моло вещества) шотышто концентрацийын нормо деч шуко улмыжым пеҥгыдемден огытыл.
Тиде жапыште калык деч Интеграл микрорайонысо юж шотышто вуйшиймаш пурен огыл. Южым тергыме паша умбакыже шукталтеш.
М.ИВАНОВА
