Марий Элым вуйлатыше Юрий Зайцев 10 мартысе Указше дене республикын чоҥымо паша да илыме вер ден коммунал озанлык министржлан Наталья Витальевна Ошлановам шогалтен.
Наталья Витальевна у должностьлан кӱлшӧ паша опытшо уло. Тудо Калмык Республикыште чоҥымо паша, транспорт да корно озанлык министерствыште икмыняр ий тыршен. Министерствыште пашажым капитальный вложений отдел начальник семын тӱналын да кум ий жапыште министрын икымше алмаштышыже марте кушкын. Кугыжаныш службышто 24 ий утла тырша, ятыр награде дене палемдалтын.
Тудо Московский социальный открытый университетым «Коммерций» специальность дене, кум ий ончыч Б.Б.Городовиков лӱмеш Калмык кугыжаныш университетым магистр программе почеш «Экономике» направлений дене адакат отличий ден тунемын лектын.
П.Шакиров ямдылен
