27 декабрьын Микрӓк
культура томашты районный Ёлка эртен. Тӹшкӹ Кырык мары районын школвлӓштӹ яжон
тыменьшӹ тетявлӓ погыненӹт. Ти мероприяти тене кымшы гӓнӓ эртӓрӓлтӹн. Тишкӹ ӹшке
шытырыштым Микрӓк, Ямангаш, Кӓтӓ Шошмар культура томавлӓн пӓшазӹвлӓ пиштенӹт.
Тенгеок Кырык мары районын образовани Отделын методический кабинетын ведущий
специалистшӹ Ирина Салдаева дӓ Кырык мары Централизованный клубный системын
методистшӹ Ирина Юшкина.
Микрӓк культура томаш Виловат, Йоласал, Эмӓн, Шур, Пайскырык, Кӓтӓ Шошмар, Микрӓк школвлӓ гӹц тӹменьшӹвлӓ толыныт. Нӹнӹлӓн «Как Карлсон Новый Год спасал» театрализованный концертым анжыктенӹт. Концертӹм веселӓ мырывлӓ дӓ куштымашвлӓ доно Микрӓк, Ямангаш, Кӓтӓ Шошмар школвлӓштӹ тыменьшӹвлӓ сӹлнештӓренӹт. Мырывлӓм дӓ куштымашвлӓм Ольга Максимова, Галина Акулькина, Лариса Ерофеева, Фаина Павлова йӓмдӹленыт. Тенгеок тӹнг геройвлӓм мадшывлӓ анжышывлӓн кымылыштым лӱктенӹт, тидӹ Сергей Барбосов, Ольга Максимова, Светлана Сидоркина, Лариса Ерофеева.
Концерт паштек Лым Ӹдӹр
(Ирина Юшкина) доно Ӱштӹ Кугуза (Дмитрий Эмянов) кырык мары дискотекыш цилӓм
ӱжӹнӹт. Тӹштӹ веселӓ мадышвлӓм эртӓренӹт, кырык мары мырывлӓэш тетявлӓ куштенӹт,
сакой конкурсвлӓштӹ ӹшке пӓлӹмӓшвлӓштӹм анжыктенӹт.
Цилӓ артиствлӓлӓн, тыменьшывлӓлӓн, тымдышывлӓлӓн У и анзыц яжо кымылым подарыштымылан кого таум келесӹмӹ шоэш. Тек азыкылаат тӓмдӓн цилӓ шанымыда лиӓлт шокта.
