Архив новостей
Всего 1901 новости
Ик еҥлан шотлымаште доход илен лекташ кÿлмö окса кугыт наре огеш лек гын, шуко икшыван еш-шамыч кумшо да тылеч шуко йочам ыштымышт годым ава капитал гыч ик гана тÿлыман выплатым налын кертыт.
Марий Эл вуйлатышын пашажым жаплан шуктышо Юрий Зайцев Кужэҥерыште эрыктыше сооруженийым чоҥаш да Юриныште вӱдым ситарыме объект-влак уэмден тӧрлаташ 12,5 млн. утла теҥгем ойырен.
Николай Патрушев Казаньыште Юл кундемысе федеральный округысо регионлаште национальный безопасность дене кылдалтше пӱсӧ йодышла шотышто совещанийым эртарен.
Йочам достойно ончен-куштымылан Марий Элыште почётан знакым пеҥгыдемдат. Марий Эл Республикым вуйлатышын обязанностьшым жаплан шуктышо Юрий Зайцев республикын Правительствыжын заседанийыштыже тидын шотышто порученийым пуэн. Тыгай темлымашым республикыште илыше-влакын йодмашышт почеш ыштыме.
Марий Элыште «Кугу перемен» толкыныш ушнышо-влакын слётышт эртаралташ тӱҥалеш. Тыгай темлымашым республикым вуйлатышын обязанностьшым жаплан шуктышо Юрий Зайцевлан Йоча да самырык-влакын усталык полатыштышт лиймыж годым у толкынын активистше-влак ыштеныт.
Энергийым переген кучылтмо да энергокуатым аныклыме шонымаш дене увертарыме «Энергоэффективное ЖКХ» всероссийский конкурсышто Йошкар-Оласе Карл Маркс уремыште верланыше 126-шо №-ан шуко пачеран пӧрт таҥаса.
Марий Элыште кужу жап ончымо системе кышкарыште 200 илалше еҥ ден инвалидлан квалифицироватлыме полышым чылт яра пуат.
Марий Элыште илыме верым чоҥен шуктымаш 2022 ийыште
кок пачаш утла нарылан кушкын.
Марий Эл вуйлатышын обязанностьшым жаплан шуктышо Юрий Зайцев «Знание» обществын икымше просветитель модмашын финалистше-влак дене вашлийын: Марий Эл гыч школлаште тунемше-влакын командыже Российысе 88 команде коклаште 13 верым сеҥен налын.
25 майыште Марий Элым вуйлатышын пашажым жаплан шуктышо Юрий Зайцев республикысе муниципальный образований-влакын вуйлатышышт дене совещанийым эртарымыж годым чыла районыш миен кошташ сєран.
Марий Элым вуйлатышын пашажым жаплан шуктышо Юрий Зайцев 25 майыште «Бауманский» лицей негызеш Талантан йоча-влаклан полышым пуымо рўдерым ыштыме нерген увертарен.
Марий Эл вуйлатышын пашажым жаплан шуктышо Юрий Зайцев ден «Рӱдӧ да Юл кундем Россеть» ПАО-лан вуйын шогышо «Рӱдӧ Россеть» ПАО-н генеральный директоржо Игорь Маковский энергетике обществе-влакын Тӱҥ аналитике рӱдерыштыже вашлийыныт да регионысо электросеть комплексым вияҥдыме ончыкылык корным рашемденыт.
Марий Эл вуйлатышын пашажым жаплан шуктышо Юрий Зайцев Москваште Федераций Совет председательын алмаштышыже, тушто республикнан кугыжаныш власть исполнительный органже деч представитель Константин Косачев дене вашлийын да кундемнам социальный ден экономике могырым умбакыже вияҥдыме нерген каҥашен.
Марий Эл
Республикым Вуйлатышын пашажым жаплан шуктышо Юрий Зайцев 18 майыште Москваш каен, тушто икмыняр вашлиймаште лийын.
10 майыште Марий Эл правительствын интернет-порталыштыже да шкенжын телеграм-каналыштыже Александр Евстифеев «Марий Эл Республикым вуйлатышын полномочий жапше эртыме дене мый Россий президент деке отставкыш колташ йодмашым пуэнам» манын увертарен.
11 майыште Россий Федерацийыште Региональный вия‰маш шотышто правительственный комиссийын президиумжын заседанийже лийын.
5 майыште Марий Элым вуйлатыше Александр Евстифеев республиканский ветеринарийын чоҥалтше лабораторный корпусышкыжо оборудованийым налын шындаш 19,5 миллион теҥгем ойырымо нерген распоряженийыш кидпалыжым пыштен.
Марий Эл вуйлатыше Александр Евстифеев теҥгече Россий Федерацийыште региональный вияҥмаш шотышто правительственный комиссийын президиумжын заседанийышкыже ушнен. Тудым Россий правительстве председательын алмаштышыже Марат Хуснуллин эртарен.