Йытын пасун кечыже

Марий Элын Правительствыже ден Йытын отрасльым вияҥдыме пашалан полышым пуышо «Йытын ушем» регион-влак кокласе общественный фонд пырля пашам ыштыме нерген соглашенийым ыштеныт.

Документеш Марий Эл вуйлатыше Александр Евстифеев ден Йытын отрасльым вияҥдыме пашалан полышым пуышо «Йытын ушем» регион-влак кокласе общественный фондын попечитель советшын председательже Виктор Иванов кидым пыштеныт.

Соглашенийым Йытын пасун всероссийский кечыжлан пєлеклалтше мероприятийлам эртарыме кышкарыште подписатлыме. Тиде кечыже 8 августышто Тверь областьыште палемдалтын. Тушто РФ Правительстве председательын алмаштышыже Алексей Гордеев лийын.

Кутырен келшыме почеш вел-влак Россий Федерацийым социально-экономически вияҥдышашлан пеш кўлешан улшо направленийлаште информационный, аналитический, экспертный да научный паша сферыште пырля тыршаш тўҥалыт. Соглашенийын тўҥ цельже: йытын комплексым уэш пєртылтымаш да вияҥдымаш, долгунец йытыным ончен куштымо, мушым ямдылыме да йытын шўртым шўдырымє пашам виктарен колтымо шумлык проект-влакым илышыш шыҥдарымаш.

Марий Элым вуйлатыше Торжок районысо Мирный посёлкышто йытын отрасльыште шумо сеҥымашым ончыктымо выставкыште лийын. «Российын йытын комплексшын вий-куатше: вияҥме стратегический корно» пленарный сессий туштак эртен.

Пленарный заседанийыште ойлымыж годым РФ ялозанлык министрын икымше алмаштышыже Джамбулат Хатуов йытыным ончен куштымо кумдыкым эн чот ешарен толшо регион-влак коклаште Марий Элымат палемден.

Алексей Гордеев кызыт тўняште йытынлан йодмаш кушкеш манын каласен. Россий лишыл ийлаште тиде культурым ончен куштымо пашам икмыняр пачаш вияҥден колтышаш, тидлан профильный министерстве ден ведомство-влакын вийыштым иктыш ушаш кўлеш, каласен РФ Правительстве председательын алмаштышыже.

Александр Евстифеев Российын вице-премьерже Алексей Гордеев, РФ ялозанлык министрын пашажым шуктышо Джамбулат Хатуов, Тверь областьын губернаторжо Игорь Руденей, Йытын отрасльым вияҥдыме пашалан полышым пуышо «Йытын ушем» регион-влак кокласе общественный фондын попечитель советшын председательже Виктор Иванов да почётан моло уна-влак дене пырля йытын пасум, ялозанлык техникым да йытын озанлык шотышто шумо сеҥымаш дене палдарыше выставкым ончен савырнен.

Марий Элым вуйлатыше верысе телеканалын журналистше-влаклан интервьюштыжо тыге палемден: Марий Элыште йытыным шукертсек ончен куштеныт, но пытартыш жапыште тиде производство лунчырген. ™маште тиде пашалан чулымын пижме, но решатлышаш йодыш шуко. Таче подписатлыме соглашений кызытеш чыла йодышым огеш авалте. Туге гынат тудо ятыр йодышым тєрлаш йєным пуа. Элын президентшын шындыме задачым шукташ кўлеш. А ме палена: Владимир Владимирович пытартыш ийлаште Российыште йытыным ончен куштымо пашам уэш вияҥден колташ кўлмым кок гана палемден. Тиде производствым арам йомдарыме манын ойлен. Йытыным ончен куштымо пашаште тыршыше-влаклан федеральный полышым пуымо йодышым федеральный кўкшытыштє каҥашаш кўлеш. Тиде – тўҥ задаче. Тыгак технологийым, машиностроенийым уэмден вияҥдыман. Марий Элыште машиностроительный завод уло, ме келшен толшо техникым ыштен лукмо шотышто конкурсыш ушнаш шонена, каласен Марий Элым вуйлатыше интервьюм пуымыж годым.

Республикын Ялозанлык министерствыжын данныйже почеш, 1976-1985 ийлаште Марий Элыште долгунец йытыным 6,5 тўжем гектар кумдыкышто ончен куштеныт. Тиде паша Советский, У Торъял, Шернур да Оршанке районласе 30 утла озанлыкыште шукталтын. 1990 ий деч вара тиде паша койын лунчырген толын.

Тений кужу ярыман йытыным 906 гектарыште ончен куштымо, тидыже ўмашсе дене таҥастарымаште 81 процентлан шукырак. Тиде пашам Оршанке районысо «Лён» агрохолдинг шукта, тудо йытыным 700 гектарыште ўден (2018 ийыште 500 гектар лийын), Шернур районысо «Родина» ООО 146 гектарыште да Советский районысо «Рассвет» ООО 60 гектарыште ўдымє.

Йытыным ончен куштымо шотышто вўдышє озанлыклан «Лён» Оршанке агрохолдинг» ООО шотлалтеш, тудо 2024 ийлан йытынлан ойырымо кумдыкым 4000 гектарыш шукташ палемда.