|
Йот эллашке «лекме» йӧн кугемшаш
11.06.2019
6-8 июньышто Санкт-Петербургышто тӱнямбал экономике форум эртен
Тушто Марий Эл вуйлатыше Александр Евстифеев ден Российысе экспорт рӱдерын генеральный директоржо Андрей Слепнев соглашенийым подписатленыт. Тидыже республиклан йот элласе рынкылашке электрон ужалымаш полшымо дене лекташ йӧным ышта. Тыгодым регионысо предприниматель-влаклан тушто сатуштым ужалаш консультационный, методический да увер шотышто полыш пуалташ тӱҥалеш. - Тыге мемнан республикысе предприятий-влак пашам софинансирований йӧн дене ышташ тӱҥалыт манын ӱшанена, - палемден Александр Евстифеев, палдара Марий Элым вуйлатышын организаций да аналитике виктемже. |
Йот эллашке «лекме» йӧн кугемшаш
