Марий Эл вуйлатыше Юрий Зайцев специальный военный операцийын участникше-влаклан полышым пуымым кӱкшын аклен.
Тудо тиде йодыш дене заседанийым эртарен. Тушто «Защитники Отечества» кугыжаныш фондын филиалжым вуйлатыше Ренат Магсумов ныл тылзаш пашаж дене палдарен. Ты жапыште фондыш 1727 еҥ деч 2588 йодыш пурен. Тушеч индешле процентшым решатленыт.
РФ президент В.Путин СВО-н участникше-шамычым пашаш налаш, шке ешыштым онччаш йӧным ышташ куштен.
Тыгак спецоперацийын ветеранже-шамычлан полшымо семын «Защитники Отечества» фонд выставкылам, патырлык урок-влакым, мастер-классым эртара. Специальный военный операцийын боецше-влак, нунын ешыштлан полышым пуымо шотышто тӱрлӧ партийын еҥышт докладым ыштеныт.
Мучашлан Юрий Зайцев икой дене пашам ыштымылан тауштен да СВО-н участникше-шамычлан, нунын ешыштлан полышым умбакыжат пуаш тӱҥалыт манын пеҥгыдемден.
Марий Эл Республикым вуйлатышын администрацийжын информаций паша пӧлкажын уверже негызеш Е.Эшкинина ямдылен
