Ынде шот дене чоҥат

Чоҥышо компани йлан чыла документым ямдылен шукташ да Йошкар-Оласе Димитров уремыште шуко пачеран 61-ше №-ан илыме пєртым чоҥен шукташ лач кок ий кўлын.

Тиде историй 2017 ий ноябрьыште Марий Элым вуйлатышын олаште чоҥымо объектлам ончен коштмыж годым лийын. Тунам чоҥышо компаний тиде пєртын ик пырдыжшым шот дене шокшемден огыл улмаш. Комыжлымо материал олмеш шем плёнкым гына шупшын шынденыт. Тыгай «конструкций» писын йєрдымыш лектын, пачерлаште пырдыж кылмен, илыш условий начаремын. Еҥ-влак полшаш йодмаш дене республикым вуйлатыше дек лектыныт. Нуно экшыкым кораҥдаш да пєртым чоҥен шуктымо йодышым рашемдаш йодыныт.

Тунам Александр Евстифеев тушто ужмыжым «строительный беспредел» манын аклен. Тудо чоҥышо компанийым вуйлатыше-влак дене туштак мутланен налын да пєртым лишыл жапыште чоҥен шуктышашлан чыла мерым ышташ олан администрацийжылан кўштен.

2018 ий шошым республикым вуйлатыше тиде пєртын пўрымашыж дек уэш пєртылын. Тудо рўдолан мэрже Евгений Маслов дене вашлийын мутланен. Мэр тиде пєртым чоҥымо шотышто мерым ыштыме нерген каласкален.

27 ноябрьыште Марий Элым вуйлатыше тиде объектыш уэш миен коштын. Шуко пачеран илыме пєртым тений 25 ноябрьыште пашаш колтымо. Чоҥышо компанийын директоржо Алексей Климовын мутшо почеш, пєртысє 90 процент пачерым еҥ-влак налын шуктеныт. Пєртын проектышкыже вашталтышым пуртымо, тидыже ондак палемдыме деч шукырак ышташ йєным пуэн. Тыге кудывечыште машинам шогалтыме верым 13 гыч 62 вер марте ешарыме. Йоча ден спортивный площадке-влакым кумдаҥдыме.

Марий Элым вуйлатышын чоҥымо пашам эреак эскерен шогымыжлан кєра Йошкар-Олаште «строительный беспредел» манме койышлан мучашым ыштыме.

Александр Евстифеев тиде кечынак вўд ташлыме деч аралыше дамбым нєлтымє паша дене палыме лийын. Тиде дамбыже Водопроводный урем деч Красноармейский урем марте шуйна. Тудым 2017 ийыште «2012-2020 ийлаште Россий Федерацийын вўд озанлык комплексшым вияҥдымаш» федеральный целевой программе дене келшышын ышташ тўҥалме. Дамбын кугжытшо – 750 наре метр. Тудым ыштен шукташ федеральный ден республиканский бюджет гыч 101 миллион теҥгем ойырымо. Тиде дамбе вўд ташлыме деч Красноармейский Слобода уремыште чылаже 249 еҥ илыман 45 пєртым, олан эҥер вес велысе ужашышкыже йўйшаш вўдым тулен шогышо станцийым, электропередаче линийын меҥгыже-влакым, «Динамо» стадионым арален кодаш йєным пуа.

Пўртўс ресурс, экологий да йырым-йырысе средам аралыме шотышто министр Алексей Киселёв дамбым ыштыме годым вўд биологический ресурслан да эҥерлан лийше эҥгекым тєрлымє шот дене Изи Какшан эҥерыш ўмаште 20,5 тўжем сазан кол игым колтымо манын каласен.