Яндар вўд – илышын негызше

25 сентябрьыште республикым вуйлатыше Александр Евстифеев Йошкар-Олаште «Водоканал» муниципальный унитарный предприятийыш миен коштын. Тудыжо Марий Элын рўдолажлан йўйшаш вўдым колтен шогышо тўҥ предприятийлан шотлалтеш.

Марий Элым вуйлатыше предприятийын производственный куатшым ончен савырнен, тачысе кечылан тудо 436 км вўд пуч сетьым да 370 км утла канализаций сетьым обслуживатла. Александр Евстифеев пашаче коллектив дене вашлийын мутланен, вуйлатыше-влак дене вўд пуч да канализаций сетьым уэмдыме йодышым каҥашен.

Пытартыш кок ий жапыште Йошкар-Олаште илыше калыклан сай качестван вўдым ситарен шогымашке виктаралтше икмыняр проектым илышыш шыҥдарыме. Тыгак ола лишне верланыше населённый пунктлашке вўд пучым шупшмо. Тидыже еҥ-влакын илыме пєртлашкышт да социальный кўлешлыкан объектлашке сай качестван йўйшаш вўдым намиен шукташ йєным пуэн.

«Водоканал» МУП директор Александр Синяевын ойлымыж почеш, предприятийыште технике уэмдалтеш, олмыктымо паша жапыштыже шукталтеш, но сеть-влакым пужен уэмдыме паша шукертсек огеш шукталт, тачысе кечылан нуно 60 утла процентлан тоштемын шуыныт. Нуным ме шке вийна дене уэмдаш тыршена, но посна программым ыштыде уэмдаш йєсє, каласен Александр Синяев.

Марий Элым вуйлатыше Йошкар-Олаште да Волжскышто сеть-влакым уэмдыме йодыш пеш кўлешан, тудо кызыт правительстве кўкшытыштє шымлалтеш манын каласен. Волжскышто проектно-сметный документаций ямде. Сетьым вашталтыме пашан акше 1 миллиард утла теҥгеш шуэш. Йошкар-Олаште канализационный сетьлаште вўд пуч дене таҥастарымаште аварий шагалрак лиеш, туге гынат ты темым контрольышто кучена, палемден Александр Евстифеев. Южо вере вўд пуч шокте гайыш савырнен, сандене республик мучко налмаште йўйшаш яндар вўдын 40 наре процентше йомеш. Тидлан кєра вўд пучым уэмдыме пашалан чулымын пижман, палемден республикым вуйлатыше.

Предприятийым вуйлатыше-влак дене мутланыме годым «Водоканалын» пашаеҥже-влакын пашадарыштым кугемдыме йодышымат тарватыме. Кызыт тушто 800 утла пашаеҥ тырша. Пашадар – 23 тўжем теҥге. Кызыт республикыште кокла пашадар 28 тўжем теҥге, сандене предприятийыштат вашталтышым ышташ кўлеш, ешарен Александр Евстифеев.

Йошкар-Олаште да республикысе олалаште калыклан вўдым ситарен шогымо системым тўҥ гычак пужен уэмдаш кўлеш. Тидлан кызыт Россий Федерацийын моло субъектлаштыже ты йодышым кузе тєрлен толмым шымлена, палемден пытартышлан республикым вуйлатыше.