Выговорым пуэныт, паша гыч луктыныт
27.03.2020
24 мартыште Марий Элым вуйлатыше
Александр Евстифеев республикын тазалыкым аралыме министрже Марина Паньковалан служебный
обязанностьшым кӱлын шуктыдымыжлан выговорым пуэн. Тидыже тудын Перинатальный
рӱдерын пашажым должность шот дене контрольышто кучыдымыж дене кыладлтын.
23 мартыште Перинатальный рӱдер гыч кызыт гына шочшо ӱдыр азам шолыштыныт. Жапым шуйкалыде, следственно-оперативный групппым чумыреныт. Правам аралыше орган-влак ӱдырамаш-шамычым, ты шотыштак лишыл жапыште йочам йомдарыше-влакым тергеныт. Ӱдырым тиде кечынак кастене муыныт. Тудо таза. Азам ача-аважлан пӧртылтеныт. Шолышт кертын манме шонымо еҥым кученыт. Кызыт преступленийым пеҥгыдемдымашке виктаралтше следствий кая. Марий Элын Тазалыкым аралыме министерствыжын кӱштымашыж дене Перинатальный рӱдерын тӱҥ врачше Николай Сушенцовым должностьшо гыч кораҥдыме. |