Москваште 12 гыч 14 октябрь йотке «Россий энергетик арня» тўнямбал форум эрта. Тудын паша программыже 40 утла мероприятийым авалта. Тў‰ теме – «Глобальный энергетике шуко полярный тўняште». Официальный ужашыжын кышкарыштыже панельный сессий, йыргешке ўстел да икмыняр моло мероприятий-влак эртат. 12 октябрьыште пленарный заседанийыште Российын Президентше Владимир Путин ойлен.
Форумын пашаштыже Марий Элым вуйлатыше Юрий Зайцеват участвоватлен. Участник-влак коклаште тыгак РФ правительстве член, регион вуйлатыше, Российысе да вес элласе кугу энергетике компаний-влакын вуйлатышышт ден е‰ышт, энергетике сферысе вўдышє эксперт-влак улыт.
Погынышо-влакым саламлен ойлымыж годым кугыжанышым вуйлатыше тыге палемден: кызыт, энергоресурслан ак эреак вашталтын шогымылан, йодмаш ден темлымаш шотышто баланс пужлымылан, тыгак рынкын посна участникше-влакын шинчаора шўктарыме пашам шуктен шогымыштлан кєра пўтынь тўнямбал экономикын, топливно-энергетический комплексын кризисым чытымышт жапыште, нимом шылтыде радамлын мутланымаш пеш кўлешан. Форумын пашаж гыч коеш: Россий тўнямбал энергетике рынкын эн кугу да вўдышє участникше лийын да лийын кодеш.
«Россий энергетике арня» эртыме жапыште Марий Элым вуйлатыше Юрий Зайцевынат шуктышаш паша программыже кугу. Эрдене пленарный заседаний тў‰алме деч ончыч тудо «Газпром» ПАО правленийын председательже Алексей Миллер дене 2025 ий марте жаплан республиклан газым ситарен шогымо пашам вия‰ден колтымо программыш ешартышым пуртымо нерген документым пе‰гыдемденыт.
Тиде документ дене келшышын, Килемар ден Юрино районлашке газым пурташ палемдыме. Тыгеракын, «Газпром» республикын чыла районыштыжо илыше е‰-влаклан «канде тул» дене пайдаланаш йєным ышта.
Ты проектым илышыш шы‰дарымаш, палемден Марий Элым вуйлатыше, 2,7 тўжем суртыш пўртўс газым пурташ да 6 котельныйым тыгай топливыш кусараш йєным пуа.
Форумын пашам ыштыме жапыште Марий Элым вуйлатыше, официальный е‰-влак да РФ–ын субъектше-влакын вуйлатышышт дене ятыр вашлиймашым эртарен.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
