Марий Эл Республик вуйлатыше Юрий Зайцев промышленный сатум оборотыш закондымын пуртымо ваштареш кучедалше кугыжаныш комиссийын заседанийыштыже участвоватлен.
Видеоконференций режимыште заседанийым Россий Федераций Правительстве председательын алмаштышыже – Россий Федерацийын промышленность да торговльо министрже Денис Мантуров эртарен. Мерорприятийыште федеральный министерстве ден ведомство, регион вуйлатыше-влак лийыныт.
Каҥашыме йодыш-влак кокла гыч ик тӱҥжӧ – Россий Федераций рынкышке промышленный сатум пуртымо да тудым эскерыме системе нерген.
2023 ий гыч сатум ужалыше-влак маркировко системыште вашталтыш лиймым палынак шижыныт. Тыге 1 декабрь гыч ялозанлык производственный кооператив ден кресаньык озанлык-влак шӧр продукцийыштым маркироватлышаш улыт. Марий Элысе предприятий-производитель-влак маркировко йӧным шыҥдараш ямдылалтме шотышто мероприятийым эртарат, «Честный знак» системыште регистрацийым эртат. Тиде йодышым республикнан Ялозанлык да кочкыш сату министерствыже пеҥгыде контрольыш налын.
Марий Эл Республикым вуйлатышын администрацийжын информаций паша пӧлкажын уверже негызеш В.Смоленцев ямдылен
