Москваште Марий Эл вуйлатыше Юрий Зайцев ден Росприроднадзор службо вуйлатыше Светлана Радионова паша вашлиймашым эртареныт. Нуно «Экологий» нацпроектын «Юлым тазаҥдарымаш» федеральный проектшым илышыш пуртымо дене кылдалтше йодыш-влакым каҥашеныт.
Юрий Зайцев палдарен: тиде федеральный проект дене келшышын 2023 ийыште республикыште Килемар, Марий Турек, Параньга районлаште да Йошкар-Олаште канализацийын чылаже ныл очистной сооруженийжым уэмден тӧрлатеныт.
Йошкар-Олаште икымше йыжыҥ 2020 ийыштак тӱҥалын. Тиде пашалан федеральный бюджет гыч 1,5 млрд. теҥге ойыралтын. Чыла паша графикым ончылтен ышталтын.
Кызыт Марий Эл правительствыште федеральный орган-влак дене пырля рӱдолаште кокымшо йыжыҥ пашам шуктышаш нерген йодыш каҥашалтеш.
Марий Эл вуйлатышын пресс-службыжын уверже негызеш Л.Камалетдинова ямдылен