|
Утларак эртарыман
31.01.2020
Республикысе
правительстве пӧртыштӧ Коррупций ваштареш кучедалме шотышто комиссийын черетан
заседанийже лийын. Тудым Марий Эл вуйлатыше Александр Евстифеев эртарен.
Республикын образований да науко министрже Наталья Адамован палемдымыж почеш, тунемше-влаклан антикоррупционный манме умылымашым «Право», «Обществознаний», «Историй», «Основы безопасности жизнедеятельности» уроклаште шыҥдарат. Тыгак правам аралыше органлаште тыршыше да прокуратур пашаеҥ-влакым ӱжын, почмо урокла ден класс шагатлам эртарат. Антикоррупционный воспитаний шотышто программыш республик мучко чылаже 32 тӱжем утла тунемше ушнен. Мутлан, Килемар районысо, Козьмодемьянск оласе общеобразовательный учрежденийлаште, Советский районысо Ургаш посёлкысо лицейыште, Медведево районысо Руэм школышто ӱдыр-рвезе-влак коррупций ваштареш кучедалме шотышто теме дене буклетым, памяткым, листовкым ямдыленыт да пырля тунемшышт ден ача-ава-шамычлан пуэденыт. Подведомственный образовательный организацийлаште ӱмаште идалык мучко 30 утла мероприятий эртаралтын. Тушко 2000 утла студент ушнен. Заседанийыште коррупций ваштареш могай паша ышталтме нерген икмыняр докладым колыштыныт. Республик вуйлатыше Александр Евстифеев тиде направлений дене пашам ончыкыжым эшеат шукырак ышташ кӱштен. |
Утларак эртарыман
