Усталык шӱлышан улмым палемден
11.10.2019
Марий Эл вуйлатыше Александр Евстифеевын республикын Кугыжаныш Погын председательжын икымше алмаштышыже Владимир Мухин дене вашлиймаштыже законодательный да исполнительный кучем-влакын ончыкыжымат ваш келшен пашам ыштышаш нерген мутланеныт. Вашлиймаште палемденыт: шымше созыв депутат-влак корпусын составше 67 процентлан уэмдалтын. Марий Эл вуйлатыше республикын кӱшыл законодательный органжын ончыкыжым пашам кузе шуктышашыж шотышто шонымашыжым йодмылан Владимир Мухин тыге вашештен: - Тиде шотышто ойлаш мылам куштылгырак, молан манаш гын чыла гаяк созыв депутат лийынам. Депутат-влакын совещанийыштышт те чын палемдышда: Кугыжаныш Погынын у составышкыже чыла парламентский партий пурталтын, сандене южо процессше шотышто шонымашна ойыртемалтше лиеш, но нуным иктыш ушнен приниматлаш тӱҥалына. Тыгак тудо у составын моткочак шонен-вискален ойырымо да творческий улмыжым палемден да нине депутат-влакын Марий Элыште илаш эшеат сайрак да йӧнанрак лийже манын тыршаш тӱҥалшашыштлан ӱшанен ойлен. |