|
Угыч чаҥ йӱк йоҥгалтеш
09.04.2014
Эртыше кечылаште Йошкар-Олаште уэмден чоҥалтше Входо-Иерусалимский черкысе чаҥлан шнуй шӱлышым пуртеныт. Тиде йӱлам Йошкар-Ола да Марий архиепископ Иоанн эртарен.
Торжественный церемонийым эртарымаште Марий Эл Республикын правительствыжым вуйлатыше Леонид Маркелов лийын. Вес семынже лийынжат ок керт, вет ты храм лач тудын темлымыж почеш кокымшо шӱлышым налын. Йошкар-Олан ик эн тошто черкыже 1754 ийыште верысе купеч Алексей Карелинын оксаж кӱшеш чоҥалтын. Латкандашымше курымысо зодчествын памятникше лийын, палемдат ученый-влак. Архитектуржо дене Йошкар-Оласе Вознесений соборын гайрак. Революций марте тудо ӱдырамаш монастырь пелен лийын. А туштыжо тулыкеш кодшо ӱдыр-влак иленыт да тунемыныт. Но, илен-толын, ты черкымат, монастырьымат пытареныт. Поянлыкше дечат нимо кодын огыл.
«Лийын тугай жап, храм-влакым шалатен толыныт, а ме кызыт нуным угыч уэмдена. Моткоч ӱшаныме шуэш: тыгай пагыт ок мучашлалт. Тений ме Йошкар-Оласе Входо-Иерусалимский храмым угыч нӧлтен шуктена, да тудо юмылан ӱшаныше-влаклан шке омсажым почеш, - палемден Марий Эл правительстве вуйлатыше.
Марий Эл Республик Вуйлатышын мер кыл ден увер виктемже
Кусарымаш - С. Носова (газет "Марий Эл") |
Угыч чаҥ йӱк йоҥгалтеш
