Марий Эл правительстве пӧртыштӧ Йошкар-Оласе «Юбилейный» спорткомплексым уэш чоҥымо шотышто инвестиций проектым каҥашеныт.
Регион вуйлатыше Юрий Зайцевын эртарыме заседанийыште объектлам чоҥышо социальный, инженерный да транспортный инфраструктурым вияҥдыме йодышым нӧлталыныт. Тыгак Йошкар-Оласе Совесткий, Хасанов, К.Маркс, Панфилов уремла кумдыкышто илыме пӧрт ден спорт комплексым чоҥымо нергенат ойленыт.
«Юбилейный» спорткомплексым терген лекме деч вара зданийым пужен ышташ келшен толдымылан шотлымо. Тудым уэш чоҥаш проект ямдылалтеш. Илыме вер ден спорт комплексым чоҥаш инвестор ямде.
Тыгодым Юрий Зайцев спорткомплекс шке верже ден лӱмжым арален кодышаш манын палемден.
Мучашлан нине проект почеш чоҥымо объект-влакын архитектурно-художественный тӱсышт могай лийшашым рашемдыме.
Марий Эл Республикым вуйлатышын администрацийжын информаций паша пӧлкажын уверже негызеш Е.Эшкинина ямдылен
