Участник-влакым Марий Эл республикын вуйлатышыже А.А. Евстифеев инвалид-влакын III всероссийский кеҥеж спартакиаде дене саламлена

Инвалид-влакын III всероссийский кеҥеж спартакиадын пагалыме спортсменже,
тренерже, судьяже да организаторжо-влак!

Российысе таҥасымашын тӱҥалмыж дене тендам саламлем. Тиде икымше гана Марий Эл Республикнан рӱдолаштыже — Йошкар-Олаште — эртаралтеш. Кӱлешан мероприятийлан арам огыл   тиде верым ойырен налме. Пытартыш ийлаште 682 тӱжем еҥ илыман регионыштына тачысе кечылан келыштарыме 20 утла спорт объектым чоҥымо.

Спортым вияҥдымаш — федеральный да регион кучем орган-влакын ик эн ончыч шуктышаш задачышт. Марий Элыште «Спорт — илышын нормыжо» федеральный проектын «Демографий» национальный проектше илышыш сайын пурталтеш. Проектын тӱҥ задачыже – физический культур да спорт дене кылым кучаш чыла категориян да группан еҥ-влаклан йӧным ышташ.

Кажне еҥ спортын йӧратыме видше дене шуаралтшаш, вет спорт койыш-шоктышым пеҥгыдемда, турлӧ нелылыкым сеҥаш, шке ончылан шындыме задачым шукташ  полша. Инвалид-влакын III всероссийский кеҥеж спартакидышт 2019 ийыште федерал кӱкшытыштӧ ик эн кугу событийлан шотлалтеш. Кугу мероприятийыште Российын тӱрлӧ регионжо гыч кок тӱжем утла спортсмен таҥасаш тӱҥалеш.

Марий Эл Правительстве спортын адаптивный видшым вияҥдымашлан кугу тӱткышым ойыра. Ӱшанем, таҥасымаш-влак кугу кӱкшытыштӧ эртат, сай сеҥымаш дене шарналтыт, мастарлык кӱкшыт дене куандарат, шке вийыштлан ӱшанат да сеҥымашке шуаш тыршат.

Уло кумылын таҥасымашын участникше-влаклан кужу жап вучымо спорт пайремыште сай стартым да таҥасымашым, тазалыкым да поро кумылым тыланем!     

Марий Эл Республикым вуйлатыше,
Марий Эл Правительстве председатель А.А.ЕВСТИФЕЕВ.