|
У составыш пурен
20.03.2020
Марий Элым
вуйлатыше Александр Евстифеев Россий Федерацийыште Региональный вияҥмаш шотышто
правительственный комиссийын у составышкыже пурен. Келшен толшо документым Российын
премьер-министрже Михаил Мишустин пеҥгыдемден.
Тиде комиссийым Россий Федераций правительствын председательжын алмаштышыже Марат Хуснуллин вуйлата. Комиссийын тўҥ пашажлан элым ўшанлын вияҥден толшашлан исполнительный кучемын федеральный ден региональный органже, верысе самоуправлений орган-влак дене кылым кучымаш шотлалтеш. Тиде комиссийыште территориальный планирований, бюджет-влак кокласе кыл да Россий Федерацийын субъектше-влакым вияҥдыме дене кылдалтше йодыш-влакым пырля каҥашен тӧрлат. Комиссийын пашам ыштыме моло тўҥ направлений коклаш стратегический ден территориальный планирований пашам шуктымо, региональный вияҥмаш шотышто моло йӧным кучылтмо йодышла дене исполнительный кучемын федеральный органже ден регионласе кугыжаныш кучемын кўшыл исполнительный органже-влакын пашаштым тӧрлен да иктешлен шогымаш пурат. |
У составыш пурен
