Марий Эл вуйлатыше Юрий Зайцев кушкыжмын у пачер-влак деч сравочым кучыктен.
Тыге Йошкар-Оласе Мирный микрорайонышто шукерте огыл чоҥымо 10 пачашан пӧртыш аварийныйлан шотлалтше 20 пӧрт гыч чылаже 134 еш илаш кусна.
Республик вуйлатыше нунын моткочак вучымо ты событий дене саламлен да тиде «Еҥ-влакым аварийный илыме фондла гыч кусарымаш» республиканский адресный программе дене келшышын шукталтеш манын ушештарен.
– Тиде программе график дене келшышын илышыш шыҥдаралтеш. Тудо эше мучашлалтын огыл. Паша умбакыже шуйна, – каласен Юрий Зайцев.
Тений 34,6 тӱжем квадрат метр тоштемше илыме верым пытарыме, 2663 еҥым вес вере илаш кусарыме. А программе шукталташ тӱҥалме жап гыч 4367 еҥлан илыме вер ойыралтын. Шушаш ийыште 2893 еҥым, тышеч 550 еҥжым Йошкар-Олаште, вес вере илаш кусараш палемдалтеш.
Еҥ-влаклан у пачер-влак деч сравочым кучыктымеке, Юрий Зайцев нунылан у ийыште пиалым, улан илышым да тазалыкым тыланен.
Марий Эл вуйлатышын администрацийжын информаций паша пӧлкажын уверже негызеш Л.Камалетдинова ямдылен
