У пачер – тулык-влаклан

Шке жапыштыже ача-ава полыш деч посна кодшо 7 еҥ илыме веран лийын. Нунылан Медведево районысо Сурок посёлкышто чоҥымо у пєртыштє пачер деч сравочым 13 августышто Марий Элым вуйлатыше Александр Евстифеев кучыктен.

Илыме вер илаш пураш тўрыснек ямде: кухонный плитам вераҥдыме, сантехнике пашам ышта, пластик окнам, кўртньє омсам шындыме. Кудывечыште спортивный ден йоча площадке-влакым ыштыме, тротуарым да корным асфальт дене леведме.

Республикым вуйлатыше у пачерыш илаш пурышо-влакым тыгай куан дене саламлен.

Марий Элыште ача-ава полыш деч посна кодшо еҥ-влаклан пачер ий гыч ийыш шукырак да шукырак пуалтеш. Тидымак Медведево районыштат ужына. Россий Федераций президентын да федеральный правительствын полшымышт дене тиде паша Марий Элыште сайын вияҥ толеш. Пачерым налше-влакым алал кумылын саламлем, шке пачер кеч-кунамат сай, каласен Александр Евстифеев пачеран лийше самылык еҥ-влаклан.

Пытартыш вич ий жапыште мемнан районышто у пачер деч 100 утла сравочым кучыктымо. Кодшо ийыште Сеньканыште 39 пачеран пєртым чоҥымо. Тыгай категорий еҥ-влаклан кажне пєртыштє 20 процент пачер ойыралтеш, каласен Медведево районын администрацийжым вуйлатыше Денис Окулов.

Марий Элым вуйлатыше илыме веран лийше еҥ-влак дене пырля пачер-влакым ончен савырнен.

Тулык йоча ден ача-ава полыш деч посна кодшо йоча-влаклан илыме верым ситарыме шотышто президент Владимир Путинын тўҥалтышыж почеш ямдылыме программе элыште сайын шукталт толеш. Марий Элыштат ты шотышто паша сайын ушна. Тений республикыште 198 самырык еҥ пачеран лийын. ™маште 152 еҥ у пачер деч сравочым налын.