Тургым 15 майыште тўҥалеш

Александр Евстифеев Йошкар-Олан мэрже Евгений Маслов дене вашлийын. Вуйлатыше-влак оласе уремлам олмыктымо тургымлан республикын рўдолажын ямдылалтме йодышлам каҥашеныт.

Евгений Масловын мутшо почеш, тений олан рўдє уремлаштыже 11 километр корно шартышым капитально олмыкташ палемдыме. Ты шотышто проектно-сметный документаций экспертизым корно картыште ончыктымо жапыште эртен. Конкурсный процедурын итогшо почеш, 25 апрельыште тушто сеҥышыш лекше дене контракт ышталтеш. Уремлам олмыктымо пашам 15 майыште тўҥалын кертына, каласен олан мэрже.

Александр Евстифеев корным эн ончыч олмыктышаш участке ден уремлам могай принцип почеш ойырен налме нерген йодын. Эн ончычак машина шуко коштман уремлам уэмдена, вашештен Евгений Маслов.

Транспорт коштмо тўҥ корнылан Ленин проспект ден Первомайский урем шотлалтыт. Олан рўдыштыжє огыл верланыше урем-влакат пеш кугу нагрузкым чытат, мутлан, Карл Маркс, Йошкар-Ола вўдканал кундемысе Западный урем-влак, каласен олам вуйлатыше.

Мутланыме годым республикым вуйлатыше корным уэмдыме жапыште электротранспортын коштмо маршрут нерген йодыштын, корным тўзаташ тўҥалме деч ончыч коммунальный сетьласе таве-влакым олмыктымо пашам планироватлыме йодышлан тўткышым ойырен.

Евгений Маслов тыге увертарен: общественный транспортын маршрутшым вашталтена, олаште илыше-влак ты шотышто йєндымылыкым огыт шиж. Тылеч посна ресурсный компаний-влак шкеныштын озанлыкыштышт тичмаш инвентаризацийым эртареныт, тидын шотыштак 600 утла тавым терген лектыныт.

Александр Евстифеев олан мэржылан озанлык сетьым олмыктымо пашам контрольыш налаш кўштен.