Телылан ямдылалтмым терген

Марий Элым вуйлатыше Александр Евстифеев 6 сентябрьыште олан администрацийыштыже совещанийым эртарен, тушто Волжскым социально-экономически вияҥдыме йодышым ончымо.

Кундемым вуйлатыше эн ончычак спорт объект-влакым ончен савырнымыжым иктешлен.

Таче мый Волжск олаш луымшо гана толынам. Ужам: республиканский кучемын еҥже-влакын толын коштмышт олалан пайдам конда. Ме кызыт гына стадионым почна. Тудым ондак садоводческий товариществын кидыштыже улшо, но кызыт кучылталтдыме мландыште чоҥымо. Марбумкомбинат тушто стадионым ыштен. Тушко 80 наре йоча кошташ тўҥалеш манын шонымо гын, тачысе кечылан 150 еҥ возалтын. Стадионым пашам ыштен кертме кўкшытыштє кучаш кўлеш. Республикын Молодёжный политике, спорт да туризм министерствыже комбинатым вуйлатыше-влак дене пырля тренер кадрым ситарыме йодышым тєрлышаш, каласен кундемым вуйлатыше Минспортым вуйлатыше Лидия Батюковалан. Тудо тыгак министрлан Волжск олаште ечыгорным волгалтарыме да асфальтым шарыме пашам шукташ проектно-сметный документацийым ямдылаш кўштен.

Совещанийыште канализационный коллекторым пужен уэмдыме пашалан кугу тўткыш ойыралтын. Жилищно-коммунальный озанлык дене кылдалтше йодыш-влак сайын тєрлалтыт. Ик тыгай йодышыжо – «Юлым тазаҥдымаш» проект. Тудо национальный проект кышкарыште тєрлалтеш. Тиде – Волжск олан эрыктыше сооруженийже-влак. Проектно-сметный документацийым жапыштыже ямдылыме, госэкспертизымат эртыме. Сандене ме кызыт кўшнє ончыктымо программыш пурен кертына. Тиде йодышын акше – 1 миллиардат 200 миллион теҥге. Кызытсе жаплан чумыр документацийым Россий Минстройыш пуымо. Йодыш ончалтеш, республиклан пайдале пунчал лукталтмылан ўшанаш чыла негыз уло, каласен Марий Эл Правительствым вуйлатышын икымше алмаштышыже Александр Сальников.

Совещанийыште тыгак олалан сай качестван вўдым ситарен шогымо,  кудывече-влакым да тўшкан пайдаланыме моло верым шотыш кондымо, тыгак урем ден корнылам тєрлымє йодышым каҥашыме. Тыге тений Волжскышто корным олмыкташ 34 миллион теҥгем кучылтмо. Волжск олаште урем ден корно сетьым олмыкташ ий еда 60 миллион теҥгем ойырымо нерген пунчалым лукмо, палемден Александр Сальников.

Олтымо сезонлан ямдылалтме нерген мутланыме годым Волжскын мэржын пашажым шуктышо Александр Веселов тыге каласен: шуко пачеран 435 пєртым тергыме, олтымо сезонлан ямдылен шуктымым ончыктышо паспортым пуымо. Илыме вер фонд шотышто чыла пашам 99,8 процентлан шуктымо. Ик пєрт кызыт капитально олмыкталтеш. Тиде пєрт 15 сентябрь марте ямде лиеш. Телылан ямдылалтме паша тўрыснек шукталтын, ўшандарен Алексей Веселов.

* * *

Александр Евстифеев тиде кечынак Приволжский посёлкышто физкультурно-оздоровительный комплексым ончен савырнен. Тудым чоҥен шукташ «Газпром» ПАО 145 миллион теҥгем ойырен, тышеч 70 миллион теҥгеже республикыш толын шуын. Кундемым вуйлатыше кўлешан конкурсный пашам лишыл жапыште шукташ кўштен.

Кундемым вуйлатыше тыгак Волжск олаште уэмдыме ече базыш миен коштын. Тудым Марий целлюлоз-кагаз комбинатын оксаж дене уэмдыме.

Александр Евстифеев тыгак «Марбум-Арена» стадионышто лийын. Тушто «МЦБК» АО стадионым пужен уэмдыме шотышто кугу пашам шуктен. Кызыт футбол пасу йыр куржталаш корным ыштыме, ончаш толшо-влаклан шинчаш верат уло, 30 еҥлан вургемым вашталтеш чияш пєлемым келыштарыме, автомобиль транспортым шогалтыме верым асфальт дене леведме.

Марий Элым вуйлатыше комбинатым вуйлатыше, спортсмен да тренер-влак дене вашлийын мутланен.