Марий Элым вуйлатышын пашажым жаплан шуктышо Юрий Зайцев «Лесная сказка» эмлыме да тазалыкым пе‰гыдемдыме комплексым пытарыме пашам чараш да тудым уэш тўзаташ тў‰алаш задачым шынден. Тидын нерген тудо кумда‰дыме пресс-конференцийыште СМИ пашае‰-влакын йодышыштлан вашештыме годым ойлен.
Марий Элым вуйлатышын пашажым жаплан шуктышо тиде учрежденийыш миен толаш, легендыш савырныше йоча лагерьым уэш пашаш колташ мыняр окса кўлмым рашемдаш шона. Тудо ты комплексым талук мучко пашам ыштыме режимыш кусарынеже. Тидыже каныш да тазалыкым пе‰гыдемдыме паша дене шукырак йочам авалташ, тыгак «Лесная сказка» йоча лагерьын материально-технический негызшым республикысе йоча-шамычлан талук мучко пашам ыштыше профильный смене-влакым почаш йєным пуышо кампус семын кучылташ йєным пуа.
Предприятийым пытарыме процедурым чарен шогалтымаш тыгак лагерьым почаш да тудым Марий Элыште йоча ден самырык-влакын у общероссийский общественно-кугыжаныш движенийыштын мероприятийлажым эртарыме тў‰ площадке семын кучылташ корным почеш.
ххх
Пресс-конференцийыште географический объект-влакын лўмыштым, корнысо да моло указатель-влакым Марий Элын кугыжаныш йылмыже-влак дене возымо нерген йодышлан вашештымыж годым республикым вуйлатышын пашажым жаплан шуктышо тиде йодышым тєрлаш пєлшаш йодмаш дене мый декем е‰-влак социальный сетьлаштат чўчкыдын лектыт манын.
Тыге, мутлан, корысо указательлаште ялын лўмжым рушла гына ончыктымо але, марлажымат ончыктымо гын, йо‰ылыш возымо, але марий буквам шындыме огыл. Марий мутлаште о ден у ўмбалне кок точкым шындыме огыл гын, мутын смыслже йєршын вашталтеш, кокланже воштылчыкыш савырна.
Юрий Зайцев Марий Эл – национальный республик, сандене, вийыште улшо законодательстве дене келшышын, указатель ден вывеске-влак кок кугыжаныш йылме дене возатшаш улыт да тиде йодыш тєрлымо лиеш манын каласен.
Марий Элым вуйлатышын пашажым жаплан шуктышо республикын правительствыжлан Транспорт да корно озанлык министерстве дене пырля, ола округ ден муниципальный образований-влакын администрацийыштым вуйлатыше-влаклан тиде йодышым контрольыш налаш кўштен. Республикын Юстиций министерствыже населённый пункт ден географический объект-влакын лўмыштым марий йылме дене савыктышаш.
ххх
Республикыште Тазалык кече-влак «Таза республик» проектын кышкарыштыже эртат. Тиде проектше Марий Элым вуйлатышын пашажым жаплан шуктышо Юрий Зайцевын тў‰алтышыж почеш илышыш шы‰даралтеш.
Пресс-конференцийыште тудо тыге палемден: тиде проект поснак яллаште медицине полышым налаш да шымлымашым писын эрташ полша. Сандене Тазалык кечылам е‰-влак сайлан шотлен вайшлийыныт.
ххх
Марий Элым вуйлатышын пашажым жаплан шуктышо Юрий Зайцев йоча-влакым тунемме верлашке шупшыктымо корнылам ончыкыжат олмыктен шогаш кўштен. Тидын нерген тудо пресс-конференцийыштыже ойлен.
Тыгай проблеме чынже денак уло. Сандене мый районлаштат, олалаштат тыгай корнылам 1 сентябрь марте шотыш кондаш кўштенам. Мутат уке, ме чыла вережак асфальтым пыштен огына шукто, тидлан адакше ешартыш кугу окса кўлеш. Кушто кўлеш гын, тушто кеч лакылам петырен шуктыман. Вараже, йєн лийме семын, тыгай корнылам сайынак тєрлыман, палемден Юрий Зайцев.
ххх
Киров ден Сторитель урем-влак кокласе уремлан лўмым оласе калык шке пуа. Тыге каласен пресс-конференцийыште Марий Элым вуйлатышын пашажым жаплан шуктышо Юрий Зайцев.
Йошкар-Олаште корным чулымын олмыктат да чо‰ат. Теве Киров уремыште машина коштмо корно умбакыже олмыкталтеш. Шушаш ийыште йолын коштмо зоно тўзаталтеш. Ик тылзе гыч Луначарский урем велышкыла у автомагистраль почылтеш, но тудлан лўмым але шонен мумо огыл.
Марий Элым вуйлатышын пашажым жаплан шуктышо уремлан да моло у объектлан пуышаш лўм ка‰ашалтшаш, тидын годым олаште илыше е‰-влакын темлымыштым шотыш налман манын. Юрий Зайцев ты пашам олан мэржылан виктарен колташ кўштен.
ххх
Пресс-конференцийыште Волжск оласе «Родина» кинотеатрым олмыкташ кўлмє нерген йодышым тарватеныт. Марий Элым вуйлатышын пашажым жаплан шуктышо тиде легендарный кинотеатрын зданийжым пужен уэмдыме пашам мучашке шукташ шона.
Республикын правительствыже тиде зданийыште йоча искусство школым вера‰даш шонымаш деч огеш кора‰. Зданий чот тоштемын, но тудо культур поянлыклан шотлалтеш, сандене пужен ужмдаш йєсє, паша кужун шуйна, палемден Юрий Зайцев. Тушто чылажымат шотыш налын, пашам комплексно ыштыман. Тек йоча-влак куанен коштыт, искусствылан шўма‰ыт иктешлен каласен Марий Элым вуйлатышын пашажым жаплан шуктышо.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
