Марий Элым вуйлатыше Юрий Зайцев Звенигово районысо Сварке технологий рӱдерыште лийын.
Тыгай кумдыкым «Марий 3D технологий» ООО сваркылан материалым да оборудованийым ямдылен лукшо тӱнямбалне ик эн ончыллан шотлалтше ESAB компаний дене пырля 2020 ийыште почын. Генеральный директоржо Артём Алимовын мутшо почеш, таче россий рынкыште сварщик профессий моткоч йодмашан да кугу пашадаран. Ончыкыжым рӱдерыште тунемме-производство комбинатын системыжым угыч кучылташ тӱҥалаш палемдыме. Кызытсе жаплан келшыше у оборудованийлан да материаллан кӧра тыште ик эн неле производство задачылам решатлаш йӧн уло.
Юрий Зайцев палемден: производство эре уэмдалт вияҥын толеш, сандене экономикылан у оборудований дене пашам ыштен моштышо профессионал-влак кӱлыт.
Марий Элым вуйлатышын пресс-службыжын уверже негызеш Г. Кожевникова
