Марий Эл Республикыште правопорядкым кӱлеш кӱкшытыштӧ кучаш йӧным ыштыме шотышто координационный совещанийын кумдаҥдыме заседанийже лийын. Тудым Марий Элым вуйлатыше Юрий Зайцев эртарен.
Тушто общественно-политический илыш шотышто икшырымлыкым арален кодымо да кугыжаныш управленийын негызшым луштарымашке, Россий Федерацийын территориальный тичмашлыкшым пудыртымашке виктаралтше провационный акцийым эртарен кертме лӱдыкшым ончылгоч кораҥдыме шотышто ешартыш мерым ыштыме йодышым каҥашыме.
Марий Элым вуйлатыше общественно-политический илыш шотышто икшырымлыкым арален кодаш йӧным ыштыме шумлык задаче нерген каласкален.
Заседанийыште тыгак илыме вер да коммунал озанлык сферыште, тидын шотыштак 2014 -2046 ийлаште шуко пачеран пӧртлаште тӱшка погым капитально олмыктымо республиканский адресный программым шуктымо годым правонарушений лийын кертме лӱдыкшым ончылгоч кораҥдыме да пытарыме дене кылдалтше да моло йодышым каҥашыме.
Марий Эл Республикым вуйлатышын администрацийжын информаций паша пӧлкажын уверже негызеш П.Шакиров ямдылен
