Россий президент В.Путинын кӱштымыж почеш, Россий Федерацийын икмыняр субъектыштыже базовый ямдылык режимыш куснымо. Тидын дене келшышын Марий Элыштат регион вуйлатыше Юрий Зайцевын вуйлатыме оперативный штабым ыштыме.
Тудын тӱҥ задачыже – калыкым да илыме кумдыкым пӱртӱс да техногенный сынан чрезвычайный ситуаций деч аралымаш. Тыгак РФ Вооружённый Вийлан, моло войскалан, воинский формированийлан чылажланат мо кӱлешым ситараш. Оперштабыш силовой структурласе, министерствыласе да ведомствыласе вуйлатыше-шамыч пурталтыныт.
В.Путинын кӱштымыж дене келшышын базовый ямдылалтмаш режимыш пурталтше тыгай мерым палемденыт:
а) общественный порядкым аралыме да общественный лӱдыкшыдымылыклан йӧным ыштыме, кӱлешан кугыжаныш ден специальный объект, калыклан илашыже, транспортлан, коммуникаций ден связьлан, энергетик объект-влаклан пашам ышташышт йӧным пуышо, тыгак еҥ-влакын илышыштлан да тазалыкыштлан, йырым-йырысе пӱртӱслан кугу лӱдыкшым ыштен кертше объект-влакым аралыме пашам вияҥден колтымаш;
б) калыкын тазалыкшылан да илышыжлан кугу лӱдыкшым ыштен кертше транспорт, коммуникаций, связь, энергетике объект-влакым пашам ыштыме ойыртемалтше режимыш кусарымаш.
Палемдыман, ешартыш чарыме мерым огыт пурто.
Марий Эл Республикым вуйлатышын организаций да аналитике виктемжын уверже негызеш Е.Эшкинина ямдылен
