Тўҥалме паша умбакыже шуйна
13.03.2020
«Илыме вер да ола кумдык» проектын илышыш
икымше ий шыҥдаралтмыж жапыште Марий Элыште аварийныйлан шотлалтше 2 тӱжем
квадрат метр наре кумдык илыме верым пужымо, 75 кудывечым тӱзатыме.
Марий Эл вуйлатыше Александр Евстифеев тидын нерген теҥгече Торговльо, быт обслуживаний да илыме вер ден коммунал озанлык пашаеҥ-влакын кечыштлан пӧлеклалтше пайрем мероприятийыште ойлен. Торжественный погынымаш Э.Сапаев лӱмеш опер да балет марий кугыжаныш академический театрыште эртен. Саламлымыж годым Александр Евстифеев республикысе ЖКХ пашаеҥ-влакын шке сомылыштым келшен толшын шуктымыштым палемден. Тиде отрасльысе 243 организацийыште тачысе кечылан 10 тӱжем наре еҥ тырша. 2019 ийыште нуно кугу пашам ыштеныт: 16 тӱжем еҥын илыме условийыштым саемдымаште тыршеныт. Александр Евстифеев палемден: ӱмаште могай пашам тӱҥалме, тудым теният шуят. Тыге Козьмодемьянск оласе канализацийын очистной сооруженийжым уэмден тӧрлатат, Марий Турек районышто у сооруженийым чоҥат да молат. Тиде мероприятийыштак ойыртемалтше пашаеҥ-влаклан тӱрлӧ наградым кучыктеныт. |